• USD 424.85

  • EUR 504.21

  • RUB 5.84

  • CNY 65.86

21 Qańtar, 17:27:03
Almaty
-2°

Qazaqstan Respýblıkasynyń Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti qalalyq ishki saıasat jáne jastar isteri jónindegi basqarmasymen birlese buqaralyq aqparat quraldary ókilderi arasynda qoǵamda sybaılas jemqorlyqqa qarsy mádenıetti qalyptastyrý baǵytyndaǵy úzdik jýrnalıstik jumystarǵa baıqaý jarııalaıdy.  

Baıqaýǵa qatysý erejeleri:

Baıqaýǵa 2021 jyldyń 1 qańtarynan bastap 1 qarashaǵa deıin sybaılas jemqorlyqqa qarsy mádenıetti qalyptastyrýǵa, qoǵamda sybaılas jemqorlyqqa tózbeýshilikti kórsetetin qundylyqtar júıesin saqtaýǵa jáne nyǵaıtýǵa baǵyttalǵan materıaldar nemese jarııalanymdar jáne baǵdarlamalar sıklderi (baǵdarlamalar, arnaıy sıýjetter, derekti fılmder, stýdııalyq jazbalar, maqalalar, suhbattar) qabyldanady.

Baıqaý qatysýshylary:

Konkýrsqa qatysýǵa qaladaǵy buqaralyq aqparat quraldarynyń ókilderi shaqyrylady (onyń ishinde, respýblıkalyq BAQ-dyń oblystaǵy menshikti tilshileri jáne shtattan tys) qatysýǵa shaqyrylady.

Konkýrsqa qatysýshylar tikeleı ózderi nemese BAQ redaksııasynyń usynysy arqyly qatysa alady.

Baıqaý kelesi nomınasııalar boıynsha ótkiziledi:

- Úzdiktele/radıo sıýjet nemese tele/radıo sıýjetterdiń sıkli;

- Baspasóz basylymdaryndaǵy úzdik jarııalanym;

- Aqparattyq agenttikterdegi úzdik jarııalanym.

Mazmunyna qoıylatyn talaptar:

- Baıqaýǵa tek ózindik materıaldar, telesıýjetter usynylady. Konkýrstyq materıaldar avtorlyq quqyq, zııatkerlik menshik týraly zańnama talaptaryna sáıkes bolýy qajet;

- Baıqaýǵa jýrnalıstik materıaldar qabyldanady (saraptamalyq jarııalanymdar, materıaldar, ocherkter, reportajdar, sholý jáne telesıýjetter);

- Baıqaýǵa qazaq, orys tilderindegi materıaldar usynylýy múmkin;

- Baıqaý taqyrybyna sáıkes emes jáne talaptarǵa saı kelmeıtin materıaldar, usyný merzimi aıaqtalǵannan keıin kelip túsken jumystar baıqaýǵa jiberilmeıdi;

- Baıqaýǵa usynylǵan materıaldar qaıtarylyp berilmeıdi;

- Jarııalanymdar túpnusqa nemese materıaldardyń kserokóshirmesi túrinde (basylymnyń ataýy, kúni jáne avtormen baılanys jasaý málimetteri tolyq kórsetile otyryp) usynylýy tıis;

- Dybystyq-vızýaldy jumystar efırlik anyqtamamen birge televızııalyq baǵdarlamanyń kóshirmesi túrinde (CD/DVD dıskilerinde, flash-tasymaldaýshylarynda) usynylýy tıis;

- Aqparattyq agenttikterdiń jýrnalısteri jarııalanǵan materıaldardyń kóshirmesin ınternet-saıtta ornalastyrylǵanyn rastap joldaýy qajet.

Usynylatyn materıaldarǵa mynalar qosa tirkeledi: jýrnalıst týraly qysqasha aqparat, aqparattyq materıaldardyń tizbesi.

Baıqaýǵa materıaldardy usyný tártibi:

Baıqaýǵa materıaldar barlyq nomınasııalar boıynsha túpnusqada nemese elektrondyq nusqada a.j. 3 qarashasyna deıin (baıqaýdyń jumys tobynyń meken-jaıyna: Shymkent qalasy, Qazybek bı kóshesi №3 úı nemese [email protected]  elektrondyq poshtasyna) usynylýy tıis.

Baıqaýdyń qorytyndylaryn shyǵarý:

Konkýrs jeńimpazdary Halyqaralyq sybaılas jemqorlyqqa qarsy kúnine oraı uıymdastyrylatyn forýmda marapattalady. Konkýrs jeńimpazdary alǵys hattarmen (gramotalar) jáne baǵaly syılyqtarmen marapattalady.

Jeńimpazdardy aıqyndaý baıqaý komıssııasynyń sheshimimen júzege asyrylady.

Baıqaý komıssııasy úmitkerlerdi irikteý barysynda kelesi sharttardy basshylyqqa alady:

materıaldardyń baıqaý talaptaryna sáıkestigi;

materıaldyń obektıvtiligi;

kásibı sheberligi;

jýrnalıstıkanyń etıkalyq qaǵıdalaryna sáıkestigi.

Qosymsha aqparatty 8747 741 76 28  telefony arqyly alýǵa bolady.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir