• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 05:02:39
Almaty

Foto: Shymkent qalasynyń Aqparattyq-kommýnıkasııalyq ortalyǵy

«Shańyraq» jeńildetilgen nesıelik baǵdarlamasy boıynsha Shymkent qalasynda azamattardy qonystandyrý jumystary júrgizilýde. Búginde atalǵan baǵyt boıynsha Turan shaǵynaýdanynda ornalasqan alǵashqy 5 turǵyn úıdiń (№ 49A, 50A, 52A, 53A, 54A) ınfraqurylymdyq kommýnaldyq qyzmetteri iske qosylyp, páter ıelerine páter kiltteri tabystalǵan bolatyn.

Jeńildetilgen nesıelik baǵdarlama boıynsha baspanaly bolǵandardyń qatarynda Jadyra Erjigitova da bar. Jadyra Erjigitova úsh balanyń anasy tolyq emes otbasy retinde osydan 5 jyldaı ýaqyt buryn turǵyn úı kezegine tirkelgen. Búginde nesıelik baspanaǵa qol jetkizgen jalǵyz basty ananyń qýanyshynda shek joq. Sebebi buryn páter jaldap tursa, endi onyń óz shańyraǵy bar.

– «Shańyraq baǵdarlamasyna qatysyp, baspanaly boldym. Buryn páter jaǵalap júrýshi edim, endi 3 bólmeli úıli bolyp jatyrmyn. Qazir memleket tarapynan baspanaǵa muqtaj azamattarǵa barynsha qoldaý kórsetilýde. Aı saıynǵy páteraqydan qutyldym. Endi óz páterim úshin jumys isteımin, – deıdi qala turǵyny Jadyra Erjigitova.

Shymkent qalasynyń qurylys basqarmasynyń turǵyn úı qurylysy bóliminiń basshysy Shýhratjan Mýhtarov azamattardy qonystandyrý jumystaryn júrgizý barysynda jańa qonys ıelerimen kezdesip, turǵyn úıler boıynsha tıisti jumystar júrgizilip jatqandyǵyn aıtty.

Foto: Shymkent qalasynyń Aqparattyq-kommýnıkasııalyq ortalyǵy

– «Qazirgi tańda «Shańyraq» baǵdarlamasymen salynǵan 1728 páter boıynsha abattandyrý, jylý syndy ınfraqurylymdyq ınjenerlik kommýnaldyq júıelerdi iske qosý jumystary júrgizilýde. Atalǵan baǵyt boıynsha 2021 jyldyń qarasha aıynyń basynda ınfraqurylymdyq kommýnaldyq qyzmetteri qosylǵan taǵy 7 turǵyn úıge (6, 8 , 10 ,12, 14, 16, 18) azamattar qonystandyrylatyn bolady. Qalǵan turǵyn úıler boıynsha abattandyrý jáne syrtqy ınjenerlik júıelerdiń qosylý jumystary merdiger mekemeler tarapynan júrgizilýine baılanysty azamattardyń páterlerine qonystaný múmkinshiligi ret - retimen júzege asyrý josparlanǵan. Turǵyn úılerge qatysty oryn alǵan kemshilikter nemese qandaı da bir jaǵdaılar týyndaǵan jaǵdaıda biz ol máselelerdi merdiger mekemelermen birge sheshýge árdaıym daıynbyz», – dedi Shýhratjan Mýhtarov.

Aıta ketý kerek, «Shańyraq 5-10-20» baǵyty boıynsha jyl sońyna deıin 1728 azamat baspanaly bolady. Bastapqy jarnanyń bir bóligin jabý úshin qaıtarymsyz negizde ár azamatqa 1 mıllıon teńgege deıin beriletin turǵyn úı sertıfıkattaryna jalpy 500,0 mln teńge qarastyrylǵan.

Shymkent qalasynyń Aqparattyq-kommýnıkasııalyq ortalyǵy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir