• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 03:21:46
Almaty
-6°

Foto: Almaty ortalyq meshitiniń baspasóz qyzmeti

Prezıdent Qasym-Jomart Toqaev elimizde 2025 jylǵa deıin 2 mlrd aǵash otyrǵyzý jobasyn júzege asyrý boıynsha tapsyrmalar bergen bolatyn. Osy oraıda El Táýelsizdiginiń 30 jyldyq mereıtoıy aıasynda 30 myń aǵash otyrǵyzý bastamasyn qolǵa alǵan Qazaqstan musylmandary dinı basqarmasynyń Tóraǵasy, Bas múftı Naýryzbaı qajy Taǵanulynyń izgi sharasy jalǵasymen Almaty qalasy Alataý aýdanynda aǵash otyrǵyzyldy.

Foto: Almaty Ortalyq meshitiniń baspasóz qyzmeti

Saýapty amalǵa QMDB naıb múftıi Kenjeáli qajy Myrzabaev, Almaty qalasynyń bas ımamy Tólebı Dádiluly, din qyzmetkerleri men ustaz-shákirtter qatysty. «Ardaqty Paıǵambarymyz Muhammed (oǵan Allanyń salaýaty men sálemi bolsyn): «Kimde-kim bir tal ekse, ol jemis bergenshe Alla Taǵala mindetti túrde oǵan saýap jazady» degen. Paıǵambar hadısi men súnnetteri jolynda máýlit aıyndaǵy izgilik sharasyna aýdan turǵyndary da atsalysty.

Foto: Almaty Ortalyq meshitiniń baspasóz qyzmeti

Taǵy bir hadıste: «Kimde-kim bir tal egip, onyń jemisinen adam nemese Alla Taǵalanyń jaratylystarynan bireý jese, aqıqatynda ol adam úshin bul bir sadaqa» delingen. «Biz jamaǵatty qorshaǵan ortany qorǵap, aǵash otyrǵyzýǵa úndep kelemiz. Qala kórkiniń ajarlanyp, turǵyndarǵa qolaıly jaǵdaı jasalýy mańyzdy is. Osyǵan deıin Almaty ókildigi 850-túp aǵash otyrǵyzdy. Bul baǵyttaǵy jumystarymyzdy jalǵastyra beremiz» dep atap ótti Bas ımam Ospan Tólebı Dádiluly. 

Foto: Almaty Ortalyq meshitiniń baspasóz qyzmeti

Foto: Almaty Ortalyq meshitiniń baspasóz qyzmeti

Halyq danalyǵynda: «Adamgershilikke arnalǵan úsh saýap:

Shólge qudyq qazǵan bir saýap,

О́zenge kópir salǵan bir saýap

Jolǵa aǵash ekken bir saýap» degen sóz bar. Maǵynaly sózdi máıek etken din qyzmetkerleriniń isin kópshilik jamaǵat ta qoldady. 

 

"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir