• USD 468.56

  • EUR 497.56

  • RUB 7.3

  • CNY 67.18

31 Qańtar, 21:41:42
Almaty
-3°

Nur-Sultanda boryshker tólenbegen aıyppuly úshin kóligin alýǵa kelgen jeke sot oryndaýshysyna baltamen shabýyl jasady. Bul týraly jeke sot oryndaýshylardyń óńirlik palatasy habarlady. 

Elordanyń jeke sot oryndaýshysy ózine N esimdi boryshkerdiń atqarýshylyq qujattardy oryndaý barysynda shabýyl jasap, ómirine qaýip-qater tóndirgenin aıtyp, ony jaýapkershilikke tartý úshin polısııa basqarmasyna shaǵym túsirgen.

Oqıǵa 26 qazan kúni saǵat 8.45-te bolǵan. Uıymnyń málimetinshe, er adam bankke 196 545 teńge jáne 358 728 teńge kólemindegi 17 ákimshilik aıyppuldy tólemegen. Jeke sot oryndaýshylar palatasy boryshkerge qamaýǵa alý jáne shekteý sharalary kómektespegenin, sondyqtan VAZ-2115 avtokóligin tárkileý týraly sheshim qabyldanǵanyn aıtqan. 

Al kóliktiń qojaıyny kólikti óz erkimen berýden bas tartyp, qolyna temir balta alyp, sot oryndaýshysy men polısııa qyzmetkerlerine shabýyl jasaǵan. Oqıǵa vıdeoǵa túsip qalǵan. 

– Osy kezde polısııa qyzmetkerleri burysh shashatyn balondy paıdalanyp, ony zalalsyzdandyrdy, qaýipti tulǵa polısııa bólimshesine jetkizildi, – dedi jeke sot oryndaýshylar óńirlik palatasy basshysynyń orynbasary Mádına Janasaeva.

Buǵan deıin 20 qyrkúıek kúni Almatynyń Alataý aýdanyndaǵy "Aqbulaq" yqsham aýdanynda jeke sot oryndaýshysy óz mindetin atqarý kezinde 54 jastaǵy er adamnyń qolynan qaza tapqan. Qaqtyǵys kezinde taǵy 4 adam mert bolǵan. Atalǵan oqıǵadan keıin "Kisi óltirý" jáne "Bılik ókiline shabýyl jasaý" degen eki bap boıynsha tergeý bastalǵan. 

Al 4 qazan kúni  Almatyda jeke sot oryndaýshysy Ádil Ermekov óz mindetin atqarý kezinde baýyr tusynan aýyr soqqy alǵan. Boryshker Maqsot Ysqaqov óz kezeginde polısııaǵa jeke sot oryndaýshysy men onyń kómekshileriniń áreketterine aryz jazyp, ózin kináli dep sanamaıtynyn málimdegen bolatyn

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir