• USD 469.17

  • EUR 495.07

  • RUB 7.56

  • CNY 67.46

06 Jeltoqsan, 03:09:03
Almaty
-6°

"Amazon" kompanııasynyń negizin qalaýshy Djeff Bezosqa tıesili "Blue Origin" ǵaryshtyq týrıstik kompanııasy kommersııalyq ǵarysh stansııasyn ushyrý josparyn jarııalady.

Bezos dúısenbide "Orbıtalyq rıf" dep atalatyn stansııa onjyldyqtyń sońyna deıin daıyn bolatynyna úmittenetinin aıtty.

Kompanııa shyǵarǵan jarnama stansııanyń ǵaryshtaǵy "aralas iskerlik park" bolatynyn jáne 10 adamǵa deıin qabyldaıtynyn aıtady.

Kompanııa ony salý úshin "Sierra Space" jáne "Boeing" kompanııalarymen seriktes bolady.

"Blue Origin"-diń 32 000 sharshy fýt stansııasy tutynýshylarǵa "mıkrogravıtasııada fılm túsirý" nemese "eń ozyq zertteýler júrgizý" úshin tamasha oryndy qamtamasyz etetinin aıtty jáne onyń quramyna "ǵarysh qonaq úıi" de kiretinin málimdedi.

Baspasóz máslıhatynda "Blue Origin" jáne "Sierra Space" basshylary qurylys qunyn aıtýdan bas tartty, degenmen jobaǵa 1 mıllıard dollar jumsaýǵa mindet alǵan Bezos úlken qarjy bóletinine senimdi sııaqty. 

Habarlandyrý NASA 20 jyl burynǵy Halyqaralyq ǵarysh stansııasyn (HǴS) aýystyrý boıynsha usynystardy izdestirý kezinde jarııalandy. Stansııany 2030 jylǵa deıin qarjylandyrýǵa kepildik berilgenimen,  ol kóptegen jóndeýdi qajet etedi.

Reseı sheneýnikteri ózeriniń ǵaryshkerleri 2025 jylǵa qaraı stansııadan ketýi múmkin ekenin eskertken, sebebi eskirgen jabdyqtar apatty oqıǵalarǵa sebep bolýy yqtımal.

Jaýap retinde NASA eskirgen jabdyqtardy aýystyrýǵa kómektesý úshin ǵarysh kompanııalaryna 400 mıllıon dollar jeke kelisim-sharttar berý josparyn jarııalady.

Degenmen, qarjylandyrý úshin qatań báseke bolýy múmkin. Osy aptanyń basynda "Nanoracks", "Voyager Space" jáne "Lockheed Martin" seriktestigi 2027 jylǵa qaraı ǵarysh stansııasyn tómen orbıtaǵa shyǵarý týraly óz josparlaryn jarııalady.

"Qamshy" silteıdi
Ilmek sózder: Bezos ǵarysh

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir