Shymkenttikter "Selskaıa chest" operasyn tamashalady

Shymkent qalasynyń opera jáne balet teatry QR Táýelsizdiginiń 30 jyldyǵyna oraı, óner súıer qaýymǵa álemge áıgili «Selskaıa chest» tartý etip, kópshiliktiń ystyq yqylasyna bólendi.

Atalǵan operanyń alǵashqy premerasy 2017 jyly Shymkent opera jáne balet teatrynda sahnalanǵan bolatyn. Úzdik týyndyny sahnalaýǵa álemge áıgili jáne elimizge tanymal óner maıtalmandary jumyldyryldy.

P.Maskanıdiń «Selskaıa chest» operasynyń premerasy alǵash ret 1890 jyly Rım qalasynda «Kostansı» teatrynda sahnalanǵan. Bir aktili opera  jelisi sısılııalyq aýylda ótedi. Dj.Vergıdiń novellasynyń oqıǵa jelisimen jazylǵan opera P.Maskanıdiń  álemge áıgili eń úzdik jáne tanymal shyǵarmalarynyń biri.

Opera keıipkerleri arasyndaǵy qarym-qatynastarmen shıelenister áýezdi mýzykamen kómkerilip, kórermenderge oqıǵany áserli etip jetkizedi.

«Selskaıa chest» operasynda jastardyń mahabbat jolyndaǵy kúresi, satqyndyq, talas-tartys, sodan órbıtin shytyrman eliktirer oqıǵa, qandy kekpen aıaqtalatyn sıýjette adamdyq emosııalar sheber sýrettelgen.

Basty rólde halyqaralyq baıqaýlardyń laýreaty, Máskeý qalasynan kelgen Ekaterına Golovleva – Santýssa rólin somdap shyqty. Týrrıdý rólinde operamyzdyń solısti, halyqaralyq konkýrstardyń laýreaty Jumabek Qańtarbaev jáne О́zbekstan memleketi Alısher Naýaı teatrynan kelgen Begzod Sadykov oınady.

Qoıylym rejısseri – Qyrǵyzstan Respýblıkasynyń eńbek sińirgen mádenıet qaıratkeri Nurlan Asanbaev, Dırıjer – Temirjan Erjanov.

Rólderde qalalyq teatrdyń solısteri, hor, balet jáne sımfonııalyq orkestr ártisteri óner kórsetti.

Shymkent qalasy ákimdiginiń baspasóz qyzmeti