• USD 468.56

  • EUR 497.56

  • RUB 7.3

  • CNY 67.18

29 Naýryz, 03:07:29
Almaty
+35°

«Nur Otan» Tóraǵasynyń Birinshi orynbasary Baýyrjan Baıbek Saıası keńestiń keńeıtilgen otyrysy qarsańynda partııanyń saılaýaldy ýádeleriniń Almaty oblysynda oryndalý barysymen tanysty.

Onyń aıtýynsha, Elbasy, partııa Lıderi Nursultan Nazarbaevtyń tapsyrmasy boıynsha «Nur Otan»-nyń ár oblysta, qalada jáne aýdanda 217 jol kartasynyń iske asyrylýyna júıeli baqylaý júrgizilýde.

Memleket basshysy Qasym-Jomart Toqaev jarııa etken 2025 jylǵa deıingi «О́zgerister joly: Ár azamatqa laıyqty ómir!» Saılaýaldy baǵdarlamasy Almaty oblysynda 27%-ke oryndalǵan. 757 myń sharshy metr turǵyn úı, 12 mektep paıdalanýǵa engizildi, 538 km jol salynyp, jóndeýden ótti, 27 myń turaqty jumys orny ashyldy jáne t.b.

«Partııanyń azamattardy aýyldyq jerlerde turǵyn úımen qamtamasyz etý boıynsha saılaýaldy ýádeleri aıasynda fılıal tóraǵasy, oblys ákimi Amandyq Batalovpen birge Qarasaı aýdany Áıteı aýylyndaǵy «О́miruzaq» turǵyn úı keshenin araladym. Onda bıyl 200 páterlik 50 úı salynǵan. Taıaý ýaqytta olardyń bir bóligin aýdanda kezekte turǵandar, onyń ishinde «kópbalaly otbasy» sanatyndaǵylar alady», – dep jazdy ol Facebook-tegi paraqshasynda.

Baýyrjan Baıbek atap ótkendeı, jalpy 5 jylda elimiz boıynsha 1 mıllıondaı qazaqstandyqqa, onyń ishinde 284 myń az qamtylǵan otbasyǵa, múmkindigi shekteýli azamattarǵa, jetim balalarǵa arnap 103 mln sharshy metr turǵyn úı engiziledi. Bul úshin memleket shyǵyndardy sýbsıdııalaý arqyly kásipkerlerdiń aýylda jaldamaly turǵyn úı salýyn yntalandyratyn bolady. Sondaı-aq, «Dıplommen aýylǵa» baǵdarlamasynyń qatysýshylary úshin jeńildetilgen nesıe bólý kózdelgen. Jyl sońyna deıin 4,5 myń jas maman osy sharamen qamtylatyn bolady.

Budan keıin partııa Tóraǵasynyń Birinshi orynbasary Jambyl aýdany Sarybaı bı aýylynda «Nur Otan» baǵdarlamasyna sáıkes salynǵan jańa dárigerlik ambýlatorııada boldy.

«Partııa elimizdiń barlyq tirek jáne seriktes aýyldarynda dárigerlik ambýlatorııalar men feldsherlik-akýsherlik pýnktter ashýǵa yqpal etetin bolady. Aýdandyq aýrýhanalardy zamanaýı kompıýterlik tomografııalarmen, rentgen-apparattarmen jáne taǵy da basqa qajetti jabdyqpen jaraqtandyrý sharalary qolǵa alynady», – dedi ol.

Sol kúni Baýyrjan Baıbek Uzynaǵash aýylynda taıaýda tikeleı halyq saılaǵan aýyldyq okrýgter ákimderimen, sondaı-aq barlyq deńgeıdegi máslıhattar fraksııalary jetekshilerimen kezdesti.

Partııanyń baspasóz qyzmetiniń málimetinshe, kezdesý barysynda saılaýaldy mindettemelerdi sapaly oryndaý jáne qajetti qarajatty ýaqtyly bólý boıynsha mindetter talqylanǵan. Sonymen qatar, Almaty qalasynda, Almaty jáne Jambyl oblystarynda saılaýaldy ýádelerdiń iske asyrylý barysy onlaın-formatta qarastyryldy.

 

Qamshy.kz

Qamshy.kz

Qamshy.kz

Qamshy.kz

 

"Qamshy" silteıdi
Ilmek sózder: Baýyrjan Baıbek

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir