Foto: Vıdeodan skrınshot
Áleýmettik jelide Shymkenttegi "Qyrǵy bazarynyń" kireberisinde 3-4 keli jańǵaq satyp otyrǵan ájege eki polıseı kelip, zańsyz saýda jasaǵanyna aıyppul salmaq bolǵan vıdeo tarap jatyr. Vıdeony Aqparat.kz áleýmettik paraqshasy jarııalady.
Oqıǵa 24 qazan kúni bolǵan. Vıdeodan polıseıler ájeıge "aıyppul salamyz" dep, dórekelik kórsetip, telefonyn tartyp alǵanyn kórýge bolady. Quzyrly organdardyń áreketi bazar halqynyń ashýyna tıip, olarǵa narazylyq bildirdi.
"Búgin Shymkenttegi "Qyrǵy bazarynyń" kireberis jerinde 3-4 keli jańǵaq satyp otyrǵan ájege eki polıseı kelip, zańsyz saýda jasaǵanyna aıyppul salmaqshy boldy. Ájemiz polıseılerden qoryqsa kerek, ulyna habarlaspaqshy bolǵanda telefonyn da alyp qoıǵan kórinedi" delingen vıdeo sıpattamasynda.
Posmotret etý pýblıkasııý v Instagram
Posmotret etý pýblıkasııý v Instagram
Oqıǵaǵa qatysty Shymkent polısııasy pikir bildirdi.
"Bul jaıt Ál-Farabı aýdany aýmaǵynda belgilenbegen orynda jasalǵan saýda derekteriniń aldyn alý maqsatynda polısııa qyzmetkerleri júrgizgen reıd kezinde bolǵan. Qazirgi ýaqytta vıdeoda kórsetilgen Ál-Farabı APB qyzmetkerlerine qatysty qyzmettik tekserý taǵaıyndaldy. Tekserý jumystary aıaqtalǵannan keıin polısııa qyzmetkerleri tıisti tártiptik jaýapkershilikke tartylady" delingen habarlamada.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir