• USD 468.56

  • EUR 497.56

  • RUB 7.3

  • CNY 67.18

29 Naýryz, 15:14:54
Almaty
+35°

Aqyn, dıssıdent Aron Atabek komadan shyqty. Bul týraly qoǵam belsendisi, saıasatker Jasaral Qýanyshalın óziniń Facebook paraqshasynda habarlady.

Qoǵam belsendisi  15 mınýt buryn  telefon arqyly Aronnyń qaryndasy Razııamen sóıleskenin aıtty.

– Aron oıanyp, komadan shyqty. Sóıleıdi. Biraq áli álsiz, sondyqtan jasandy dem alý apparatynan ázir aıyrǵan joq. Jáne Aron taǵy da uıyqtap qalmaýy úshin dárigerler ony jasandy komaǵa kirgizbeımiz, – degen Aronnyń qaryndasy Jasaral Qýanyshalınge.

Belsendi Aronnyń jaǵdaıynda, bul óte jaqsy jańalyq ekenin  aıtyp, qýanysh  uzaǵynan bolsyn degen tilegin bildirdi.

Buǵan deıin, Aron Atabektiń densaýlyǵy nasharlap komaǵa túskeni, jeke klınıkada jatqany habarlanǵan.

Bıyl 1 qazanda Pavlodar soty 2006 jylǵy Shańyraq oqıǵasynan keıin 18 jylǵa sottalǵan Aron Atabektiń qalǵan jaza merzimin bostandyǵyn shekteý jazasyna aýystyryp, aqyndy "densaýlyq jaǵdaıyna baılanysty" túrmeden shyǵarǵan.

5 qazan kúni belsendiniń jaǵdaıy kúrt nasharlap, aýrýhanaǵa shuǵyl jetkizilgen. Keıin Atabektiń aýrýhanaǵa jatýdan bas tartqany belgili boldy. Artynsha ol úıinde jasandy tynys alý apparatymen demalyp jatqany habarlandy.

10 qazan kúni bir top belsendi Aron Atabek kitabynyń tusaýkeserin ótkizdi. Olar týyndyny Aron Atabektiń bostandyqqa shyǵýyna oraı jasalǵan syılyq ekenin aıtqan.

Aron Atabek 15 jyldan astam ýaqyt túrmede otyrdy. Ol 2006 jylǵy "Shańyraq" oqıǵasynan keıin 18 jylǵa sottalǵan. Sot Atabekti "Shańyraq" oqıǵasy kezinde qaza tapqan polısııa qyzmetkeriniń ólimine aıypty dep tanyǵan.

"Qamshy" silteıdi
Ilmek sózder: Aron Atabek

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir