Foto: Vıdeodan skrınshot
Nur-Sultanda áıel balasymen 12 qabatty turǵyn úıdiń balkonynan sekirmek bolǵan, dep habarlady qalalyq polısııa departamenti.
"22 qazan kúni saǵat 17:30-da Kýbrın kóshesiniń boıynda polısııa kapıtany Qaırat Narımanov kóp qabatty úıdiń balkonynan aıaǵyn salbyratyp turǵan áıeldi baıqaǵan. Onyń qolynda balasy bolǵan. Ol sekirý nıetimen balkonnyń qanatynda otyrǵan. Ony baıqaǵan polıseı dereý kireberiske qaraı júgirip, joǵary kóterilgen. Áıeldiń ony baıqamaı turǵanyn paıdalanyp, polısııa qyzmetkeri áıeldi ustap qaldy" delingen habarlamada.
21 jastaǵy jas áıel mundaı qadamǵa otbasylyq janjaldan keıin barǵanyn aıtóan. Onyń qolynda bir jarym jasar balasy bolǵan.
– Ol kúni men bir táýliktik kezekshilikten keıin demalysta edim. Balalarymmen balabaqshadan qaıtyp kele jatyp, úreılenip turǵan azamattar men balkonnyń qanatynda otyrǵan áıeldi baıqadym. Oılanbastan kireberiske qaraı júgirdim, osy kezde menimen bir kýáger lıftige birge kirdi. Qýanyshqa oraı, áıeldi aman alyp qaldyq, – dedi polısııa kapıtany Qaırat Narımanov.
Búginde jas anany osyndaı jaǵdaıǵa jetkizgen jubaıyna qatysty qorǵaý nusqamasy shyǵyp, otbasy qatań baqylaýǵa alyndy. Áıelmen profılaktıkalyq áńgime júrgizilip, psıhologııalyq kómek kórsetildi.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir