• USD 468.56

  • EUR 497.56

  • RUB 7.3

  • CNY 67.18

28 Naýryz, 18:21:27
Almaty
+35°

Foto: Shymkent qalasy ákiminiń baspasóz qyzmeti

Shymkent qalasynyń mamandandyrylǵan aýdanaralyq ákimshilik sotynda daýlasýshylardyń edáýir bóligi kelisimge kelýde. 1 shildeden jumysyna kirisken sotta qaralyp aıaqtalǵan isterdiń 18 paıyzy tatýlasyp, ortaq mámilege kelgen. Bul týraly Shymkent qalasynyń Aqparattyq kommýnıkasııalyq ortalyǵynda ótken brıfıngte Shymkent qalasynyń mamandandyrylǵan aýdanaralyq ákimshilik sotynyń tóraǵasy Bek Ámetov málim etti.

Ákimshilik sotta memlekettik organ men azamattyń nemese memlekettik organ men zańdy tulǵanyń arasyndaǵy daýlar qaralady. Jańa Ákimshilik rásimdik-prosestik kodekste osy taraptardyń sot prosesiniń kez-kelgen ýaqytynda bitimge kelýge múmindik jasalǵan. Al, burynǵy zańnamalarda memlekettik organdarmen tatýlasý qarastyrylmaǵan.

Sot tóraǵasy bitimge kelgen isterdi mysalǵa keltire otyryp: «Máselen, ótken aıda, T. esimdi talap qoıýshy sot oryndaýshynyń áreketimen kelispeı, alıment boıynsha qaryz bereshekti esepteý týraly qaýlynyń kúshin joıý jónindegi talap aryzymen sotqa júgingen. Sot barysynda taraptar daýdy ózara medıasııa tártibimen retteý týraly kelisim jasasqysy keletinin málimdep, onyń sharttaryna saı jaýapker daýly qaýlynyń kúshin joıyp, talap qoıýshynyń alıment boıynsha bereshek qaryzyn qaıta esepteý týraly jańa qaýly shyǵarýǵa kelisken»-dedi.

Ákimshilik sotqa aǵymdaǵy jyldyń shilde aıynan beri 416 ákimshilik talap túsken. Olardyń ishinde 114-i sot oryndaýshylarynyń áreketterine shaǵymdanýmen baılanysty, 73-i jer daýy, 64 salyq zańnamasynan jáne 60-y memlekettik satyp alýdan týyndaıtyn daýlar boıynsha, qalǵan bóligi t.b. sanattarǵa kiredi.

Sot jańa Ákimshilik rásimdik-prosestik kodeksti jurtshylyqqa túsindirý jumystaryn belsendi júrgizip jalǵastyrýda. Osy baǵytta sot qyzmetkerleri 18 maqala jarııalap, telearnalarda 4 ret suqbat berip, qalalyq sottyń saıtyna, sottyń áleýmettik jelilerdegi paraqshalaryna 40-tan astam baspasóz habarlamalaryn jarııalaǵan.

Odan bólek, memlekettik organdardyń ujymdarymen kezdesýler uıymdastyrylýda. Atap aıtqanda, qalalyq sottyń ákimshilik ister jónindegi sot alqasynyń jáne Ákimshilik sottyń sýdıalary qalalyq sotta jáne Memlekettik kirister departamentinde, Ádilet departamentinde, Jeke sot oryndaýshylar alqasymen «Nur Otan» partııasy fılıalynyń ǵımaratyna baryp zańnama normalaryn talqylaý boıynsha «dóńgelek ústel» májilisterin ótkizdi.

"Qamshy" silteıdi
Ilmek sózder: shymkent sot

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir