Shymkenttiń bes jyldyq damý jospary jańa formatta ázirlendi

Shymkent qalasynyń 2021-2025 jyldarǵa arnalǵan damytý baǵdarlamasy jańa formatta ázirlendi. Bul týraly aqparattyq-kommýnıkasııalyq ortalyǵynda ótken brıfıng barysynda qalalyq ekonomıka jáne bıýdjettik josparlaý basqarmasynyń basshysy R.Múlkemanov málim etti.

Onyń aıtýynsha, atalǵan qujat eldiń joǵary turǵan Strategııalyq qujattarda aıqyndalǵan basymdyqtardy óńirlerde iske asyrý maqsatynda ázirlenedi.

«Baǵdarlama jobasyn ázirleý barysynda qala turǵyndary arasynda saýalnama júrgizilip, qaladaǵy negizgi problemalar men damý baǵyttary anyqtaldy. Turǵyndardyń kópshiligi qalanyń ınjenerlik-kólik jáne áleýmettik ınfraqurylymdy damytý, qalany abattandyrý, turǵyn úımen qamtý jáne ekologııalyq jaı-kúıin jaqsartýdyń qajettigin atap ótti. Bul usynystar baǵdarlama jobasyna engizildi»,-dedi basqarma basshysy.

Ekonomıka jáne bıýdjettik josparlaý basqarmasymen 5 jyldyq kezeńge arnalǵan qalanyń áleýmettik-ekonomıkalyq damý boljamynyń jobasyn ázirleý men qalanyń bıýdjetine túsetin túsimderdi boljaý jasalady.