• USD 468.56

  • EUR 497.56

  • RUB 7.3

  • CNY 67.18

29 Naýryz, 17:58:23
Almaty
+35°

Foto: Shymkent qalasy ákiminiń baspasóz qyzmeti

Shymkent qalasynda 1 mln teńge kólemindegi turǵyn úı sertıfıkatyna ıe bolǵan 265 azamat alǵashqy jarna tóleý mindetinen bosatylyp nesıelik baspanaǵa qol jetkizdi.

Memleket tarapynan jeńildikke ıe bolǵan azamattar «Nurly jer» memlekettik baǵdarlamasynyń «2-10-20 Baqytty otbasy», «5-10-20 Shańyraq», «5-20-25» baǵytynyń qatysýshylary.

Turǵyn úı sertıfıkatyna jalpy sany 818 ótinim kelip túsken. Alaıda onyń ishinde 424 azamattyń ótinimi turǵyn úı sertıfıkattarynyń sharttary men talaptaryna sáıkes kelmegendikten bas tartylǵan.

Búginde turǵyn úı sertıfıkatyna ótinimder qabyldaý «kezekte.kz» ınternet resýrsy arqyly onlaın júrgizilýde. Bul úshin árbir azamattyń jáne onyń kámeletke tolǵan otbasy músheleriniń elektrondy sıfrlyq qoltańbasy (ESQ) bolýy qajet. Qatysýǵa nıet bildirgen tulǵa sońǵy 6 aıda otbasynyń jıyntyq tabysy onyń árbir múshesine shaqqanda 106336,2 teńgeden aspaǵan jaǵdaıda jáne turǵyn úı satyp alýǵa ıpotekalyq turǵyn úı qaryzyn berý týraly banktiń maquldaǵan haty arqyly turǵyn úı sertıfıkatyna ótinim jibere alady.

Jyl basynan beri Shymkent qalasy boıynsha «Otbasy bank» arqyly kredıttik turǵyn úımen «5-20-25» baǵyty boıynsha 730 azamat qamtylǵan bolsa, onyń 261-i turǵyn úı kezeginde tirkelgender. Sondaı-aq, «7-20-25» baǵdarlamasy boıynsha Shymkent qalasyndaǵy ekinshi deńgeıli bankter arqyly 1362 azamat alǵashqy turǵyn úıdi naryqtan nesıe rásimdep satyp alǵan. «2-10-20 Baqytty otbasy» baǵdarlamasy boıynsha 158 otbasy turǵynjaımen qamtamasyz etilgen.

Aıta ketý kerek jyl sońyna deıin 7-20-25, 5-10-20 (Shańyraq), 5-20-25, 2-10-20 (Baqytty otbasy) baǵyttary arqyly jeńildetilgen kredıttik turǵyn úılermen – 4 413 otbasyny qamtý josparlanýda.

"Qamshy" silteıdi
Ilmek sózder: shymkent baspana

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir