• USD 424.85

  • EUR 504.21

  • RUB 5.84

  • CNY 65.86

25 Qańtar, 16:18:39
Almaty
-3°

Foto: Shymkent qalasy ákiminiń baspasóz qyzmeti

QR Premer-Mınıstri Asqar Mamınniń tóraǵalyǵymen ótken Úkimet otyrysynda elimizdiń toǵyz aıdaǵy áleýmettik-ekonomıkalyq damýynyń qorytyndysy, respýblıkalyq bıýdjettiń atqarylýy jáne Memleket basshysynyń tapsyrmasyna sáıkes ázirlengen Ulttyq jobalar tanystyryldy.

Ulttyq ekonomıka mınıstri Áset Erǵalıev el ekonomıkasynyń damý kórsetkishterin baıandap, Qazaqstan ekonomıkasynda senimdi ósý bar ekenin aıtty. Respýblıkada bıylǵy jylǵy toǵyz aıda ınvestısııa ósimi 15,1 paıyzǵa artqan. Shymkent qalasy ınvestısııalar tartý boıynsha óńirler arasynda alǵashqy orynda keledi. Qalamyzda ótken jyldyń tıisti kezeńimen salystyrǵanda ınvestısııa tartý kórsetkishi 38,8 paıyzǵa ósken. «Barlyq kórsetkishter boıynsha oń ósý Aqmola, Almaty, Jambyl, Qostanaı oblystarynda jáne Shymkent qalalarynda baıqalýda», - dedi Á.Erǵalıev.

Turǵyn úıdi paıdalanýǵa berý boıynsha barlyq óńirde oń ósim baıqalǵan. Esepti kezeńde elimizde 10,4 mln sharshy metr turǵyn úı paıdalanýǵa berilgen. Shymkent qalasynda bul kórsetkish ótken jylmen salystyrǵanda 11,4 paıyzǵa ósken.

Qalamyzda turaqty jáne sapaly ekonomıkalyq ósimdi qamtamasyz etýde ınvestısııalar tartý boıynsha belsendi jáne maqsatty jumystar jalǵasyn tabatyn bolady. О́ńdeý ónerkásibi men qurylys salasynda josparlanǵan ósý qarqyny qamtamasyz etilip, ınflıasııaǵa qarsy sharalar kesheni tıimdi júzege asyrylady. Halyqty vaksınasııalaý jáne kásipkerlikti qoldaý sharalaryn tıimdi iske asyrylyp, shıkizattyq emes eksportqa keshendi túrde qoldaý kórsetiledi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir