• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 01:33:10
Almaty
+2°

Foto: Shymkent qalasy ákiminiń baspasóz qyzmeti

Búginde mıllıonnan asa turǵyny bar megapolıste sanaq júrgizý úshin 176 sanaq ýchaskesi qurylyp, onda 176 nusqaýshy-baqylaýshy men 1207 ıntervıýer 1 qazannan bastap dástúrli tirkeýge kirisip ketken-di. Al 1 qyrkúıekten 15 qazanǵa deıin respondentter onlaın tirkelgen bolatyn.

QR Ulttyq statıstıka bıýrosy baspasóz qyzmetiniń habarlaýynsha, 15 qazanda sanaqtyń onlaın tirkeý kezeńi aıaqtalǵan soń, elimizdiń barlyq óńirlerinen, ásirese qalalardan onlaın sanaq fýnksııasynyń merzimin uzartý týraly kóptegen ótinish túsken. Osyǵan baılanysty sanaq.gov.kz saıtynda onlaın saýalnama fýnksııasyn qaıta qosý týraly sheshim qabyldanǵan. Iаǵnı, siz sanaq saýaldaryna jaýap bermegen bolsańyz, áli de onlaın tirkele alasyz. Sanaq saýaldaryna sanaq.gov.kz arnaıy saıty, E-Gov portaly arqyly tirkelip nemese Aitu mobıldi qosymshasy arqyly jaýap berýge bolady. Iаǵnı, onlaın ótý múmkindigi halyq sanaǵy aıaqtalǵanǵa deıin qoljetimdi bolmaq.

Qarlyǵash Ábilqasymova – Shymkent qalalyq bilim basqarmasyna qarasty №52 jalpy orta mekteptiń muǵalimi. Kásibı qyzmetine qosymsha qoǵamdyq jumysta da belsendilik tanytyp, Shymkent qalasy Abaı aýdanyndaǵy №23 sanaq ýchaskesinde nusqaýshy-baqylaýshy qyzmetin atqaryp júr.

– Bizdiń №23 sanaq ýchaskesine Telman shaǵyn aýdanyndaǵy 1943 turǵyn úı bekitilgen. Búginge deıin ýchaskedegi 7 ıntervıýer 726 úıdi aralap, 3873 respondentti dástúrli tirkedi. Al, onlaın 102 adam tirkelgen. Intervıýerler jeke turǵyn úı sektorlaryn aralaǵanda túrli keleńsizdikterge tap bolyp jatyr. Ásirese, alaıaqtardan qorqyp qalǵan turǵyndar arasynda sanaq saýaldaryndaǵy jeke suraqtarǵa jaýap berýden bas tartyp, esigin jaýyp alatyndary da bar. Desek te, ózimizdiń qyzmetimizdi rastaıtyn kýálikti kórsetip, túsindirý jumystaryn júrgizý arqyly sanaq tizimine alynyp otyr, – deıdi Qarlyǵash Pernehanqyzy.

Sanaq mamandarynyń aıtýynsha, dástúrli tirkeý jumys kúnderinde qolaısyzdyq týdyrady eken. Turǵyndardyń birqatary jumysta bolsa, endi úıine kesh oralyp jatady.

– Senbi, jeksenbi kúnderi dástúrli tirkeý jumysy ónimdirek. Sebebi, respondentterdi demalys kúnderi úıinen tabý ońaı. Sondaı-aq, esigi jabyq jeke sektorlar turǵyndaryn tabýda kórshilerdiń de kómegi kóp tııýde, – deıdi Q.Ábilqasymova.

Aıta keteıik, sanaq 30 qazanǵa deıin jalǵasady. Al, mamandar sanaqtyń sońǵy onkúndiginde qala turǵyndaryn belsendilik tanytýǵa shaqyrady.

Zamıra ALDABERGENOVA
ShYMKENT KELBETI

"Qamshy" silteıdi
Ilmek sózder: Shymkent sanaq

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir