• USD 424.85

  • EUR 504.21

  • RUB 5.84

  • CNY 65.86

29 Qarasha, 12:10:01
Almaty
+6°

Qazaqstanda toǵyz bank taratylý prosesinde tur, dep habarlady Qarjy naryǵyn retteý jáne damytý agenttigi.

Agenttik lısenzııalary keri qaıtaryp alynǵan bankterdi taratý óndirisiniń  tártibi, prosesi týraly málimet taratty.

"Qazirgi ýaqytta 9 bank – Valıýt-tranzıt bank, Qazınvestbank, Delta Bank, Eksımbank Qazaqstan, Astana Banki, Qazaq Banki, Tengri Bank, AsiaCredit Bank jáne Capital Bank Kazakhstan taratylý satysynda" delingen habarlamada.

Bank qyzmetin toqtatý kezindegi negizgi maqsat – kredıtorlardyń talaptaryn qanaǵattandyrý, olarmen esep aıyrysýdy qamtamasyz etý jáne banktiń barlyq operasııasyn aıaqtaý ekeni atap ótilgen.

Bank kredıtorlarynyń talaptary bankter týraly zańda belgilengen kezekpen qanaǵattandyrylady:

  • birinshi kezekte, eńbekaqy tóleý men jeke tulǵalar boıynsha talaptar qanaǵattandyrylady.
  • ekinshi kezekte, jeke tulǵalardyń depozıtteri boıynsha kepildik berilgen soma sheginde "Qazaqstannyń depozıtterge kepildik berý qory" AQ aldynda esep aıyrysý.
  • úshinshi kezekte, bank múlkiniń kepilimen qamtamasyz etilgen mindettemeler boıynsha esep aıyrysý.
  • tórtinshi kezekte, úlestes tulǵalar bolyp tabylmaıtyn jeke tulǵalardyń QDKQ kepildik berilgen somasynan asatyn depozıtteri boıynsha, sondaı-aq zeınetaqy aktıvteriniń esebinen júzege asyrylǵan depozıtter boıynsha jáne "ómirdi saqtandyrý" salasy boıynsha júzege asyrylǵan saqtandyrý uıymdarynyń depozıtteri boıynsha esep aıyrysýy.
  • besinshi kezekte, kommersııalyq emes uıymdardyń jekelegen sanattar (qaıyrymdylyq uıymdary, soǵys ardagerleri, múgedekter qoǵamdary) aldynda esep aıyrysýy.
  • altynshy kezekte, úlestes emes zańdy tulǵalardyń depozıtteri boıynsha esep aıyrysý.
  • jetinshi kezekte, salyqtar, alymdar jáne bıýdjetke tólenetin basqa da mindetti tólemder boıynsha esep aıyrysý, respýblıkalyq bıýdjet qarajaty jáne Ulttyq qordyń qarajaty esebinen berilgen qaryzdar.
  • segizinshi kezekte, qalǵan kezekterge kirmegen basqa kredıtorlar aldynda esep aıyrysý.
  • toǵyzynshy kezekte, úlestes jeke jáne zańdy tulǵalardyń depozıtteri boıynsha esep aıyrysý.
  • onynshy kezekte, rettelgen borysh jáne merzimsiz qarjy quraldary boıynsha esep aıyrysý.

Taratý óndirisin jedel aıaqtaý jáne kredıtorlardyń talaptaryn óteý maqsatynda agenttik banktiń taratý komıssııasyn taǵaıyndaıdy.

Taratý komıssııasy taratylatyn banktiń atynan áreket etedi jáne óz quzyretine kiretin máseleler boıynsha derbes sheshim qabyldaı alady: kredıtorlar reestrin qalyptastyrý, múlikti satý boıynsha saýda-sattyqty uıymdastyrý, bereshekti sot tártibimen óndirip alý.

Taratylatyn banktiń úıleri men ǵımarattary, ózge jyljymaıtyn múlik obektileri, kólikteri qunyna qaramastan, sondaı-aq taratylatyn bank múlki bireýiniń baǵalaý quny 100 AEK-ten asatyn ózge múlki jarııa saýda-sattyq (aýksıon) arqyly ǵana satylady.

Bankterdiń múlkin satý týraly aqparat taratylatyn banktiń saıtynda jarııalanady.

"Qamshy" silteıdi
Ilmek sózder: Bank Qazaqstan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir