Foto: tengrinews saıty
Pavlodar oblysy Baıanaýyl aýdanynyń Egindibulaq aýylynda qar jaýyp, burqasyn bolǵanyn vıdeoǵa túsirgen Maııa Manashevanyń úıine baryp, ony keshirim suraýǵa májbúrlegen ákim Qanat Kárimovke sógis jarııalandy. Onyń bul áreketin memlekettik qyzmet isteri agenttiginiń etıka jónindegi keńesi qaraǵan.
Keńes músheleri aýyldyq okrýg ákimi etıka normalaryn buzdy degen sheshimge kelgen. Ol áreketiniń nátıjesinde halyq synyna ushyraǵan. Otyrysta ákim de sóz sóılep, óz áreketin túsindirdi. Onyń aıtýynsha, ol vıdeony aýdan ákimine kórsetý úshin túsirgen. Áleýmettik jelige salmaǵan.
– Meni ony tek ondaı qar joq ekenin aıtýdy suradym, – dedi ol.
Keńes músheleri daýys berý arqyly sheshim shyǵaryp, aýyl ákimine sógis jarııalaǵan.
Buǵan deıin jergilikti turǵyn Maııa Manasheva qar basqan aýlasyn vıdeoǵa túsirgeni úshin aýyl ákimshiliginiń ókiline túsinik berýge májbúr bolǵan. Ol vıdeony týystaryna jibergen. Keıin vıdeo áleýmettik jelige taralyp ketken. Artynsha jelide áıel adam ákimshilik qyzmetkerine áreketin túsindirip turǵan vıdeo tarady. Ol jerde turǵyn eki kún qatarynan qar jaýyp, aınalany basyp qalǵany týraly vıdeony týystaryna jiberý úshin túsirgenin, bóten oıy bolmaǵanyn aıtyp aqtalady. Bul jaǵdaı áleýmettik jelide qyzý talqylanyp, jurtshylyq ákimshilik qyzmetkeriniń áreketin jappaı synaǵan.
Artynsha, Baıanaýyl aýdanynyń ákimi Qanat Kárimov túsinik bildirdi. Ol vıdeoda kadr syrtynda turǵan Samat Ybyraev esimdi aýyl ákimi áıel adamǵa kómek kerek emes pe ekenin bilý úshin kelgen deıdi. Sózinshe, aýyl ákimi áleýmettik jelilerdegi shaǵymdarǵa baılanysty áreket etý týraly tapsyrmany oryndaý úshin zeınetkerdi vıdeokameraǵa túsirgen.
Posmotret etý pýblıkasııý v Instagram
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir