• USD 424.85

  • EUR 504.21

  • RUB 5.84

  • CNY 65.86

04 Jeltoqsan, 22:21:16
Almaty
+5°

Foto: Shymkent qalasy ákiminiń baspasóz qyzmeti

«Jańǵyrý joly» qozǵalysyn qaıta qurǵan jón. Bul týraly Qazaqstan halqy Assambleıasynyń keńeıtilgen otyrysynda memleket basshysy Qasym-Jomart Toqaev aıtty.

Búginde jastar saıasaty táýelsiz Qazaqstannyń basty basymdyqtarynyń biri. Jastarǵa aıryqsha kóńil bólgen memleket qana saıası jáne ekonomıkalyq tabysqa jete alady.

Qazirgi tańda Shymkent qalasy turǵyndarynyń sany 1 090 200 adamǵa jetti. Olardyń ishinde jastardyń úlesi jalpy halyq sanynyń 22,2%-yn quraıdy. Iаǵnı úshinshi megapolıste 239 443 jas bar. Shymkentte 9 joǵary jáne 38 arnaýly oqý orny bolsa, onda jalpy 113 881 stýdent bilim alady.

Jastarmen birigip jumys isteýge Qazaqstan halqy Assambleıasy asa mán berip keledi.

100-den astam etnos ókilderi meken etetin óńirimizde 17 etnomádenı birlestiktiń janynan jastar qanattary qurylǵan. Joǵary jáne orta arnaýly oqý oryndarynda  29 «Dostyq» klýby ashylyp, jumys jasaıdy Assambleıanyń qoǵamdyq kelisim men jalpyulttyq birlikti nyǵaıtý boıynsha qyzmetin qoldaýǵa jastardy shoǵyrlandyrý maqsatynda 2018 jyly «Jańǵyrý joly» jastar qozǵalysynyń Shymkent qalalyq shtaby quryldy. Jastar birlestigi retinde qurylǵan uıymnyń osy merzim aralyǵynda jasaǵan jumystary kóńil qýantarlyq.

«Jańǵyrý joly» RJQ óńirlik shtaby men «Jas Otan» JQ Shymkent qalalyq fılıaly arasynda ózara túsinistik, seriktestik jáne yntymaqtastyq týraly memorandým túzildi. «Qaıyrymdylyq – qaıyrly is» deıtin halyq danalyǵyn basshylyqqa alǵan etnos jastary kópbalaly jáne az qamtylǵan otbasylardyń turmysymen tanysyp, qaıyrymdylyq kómek kórsetti.

Sondaı-aq respýblıkalyq «BizBirgemiz» aksııasyn qoldaý maqsatynda pandemııa kezinde qalamyzdaǵy qoǵamdyq jumystarǵa 100-ge jýyq Shymkent qalasynyń volonterlary jumyldyrylyp, 20 myńǵa jýyq betperdeler, medısınalyq qolǵaptar men dári-dármekter taratyldy. Aldaǵy ýaqytta bul baǵyttaǵy jumystar odan ári jalǵasatyn bolady.

«Jańǵyrý joly» qozǵalysynyń jumysyn jandandyrýǵa erekshe nazar aýdarylatyn bolady.

Jastardy ekonomıkalyq, áleýmettik salany nyǵaıtý, eldegi qoǵamdyq-saıası turaqtylyqty, kelisimdi saqtaý prosesterine tartý, jastar mádenıetin qalyptastyrý, olardyń jan-jaqty damýyna, bilim, zııatkerlik jáne kásibı-deńgeıin arttyrý maqsatynda birneshe jobalar júzege asyrylady.

Qol jetkizgen tabystarymyz ben baǵyndyrǵan bıik belesterimizdiń barlyǵy derlik bizdiń qoǵamda ornaǵan qoǵamdyq kelisim men aýyzbirliktiń jáne jarqyn bolashaqqa degen senimniń nátıjesi.

Búkil qazaqstandyqtar úshin birlik, dostyq, tatýlyq uǵymdarynyń mańyzy aıryqsha. Mine, osynyń arqasynda el aýmaǵyndaǵy ortaq maqsatqa jumylyp, el ıgiligi úshin eńbek etip kelemiz.

“Jol muraty – jetý” degendeı, dańqty tarıhy bar bizdiń halqymyzdyń baqytty bolashaǵy bolatynyna senemin! Táýelsizdik týyn qolda berik te bekem ustaý árbir azamattyń eń basty boryshy, eń bıik muraty.

Árdaıym «Ulttyń uly muraty jolynda uıysaıyq» degim keledi.

«Jańǵyrý joly» jastar qozǵalysynyń

Shymkent qalalyq shtabynyń jetekshisi

Núrken Ábdiraıym

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir