Shymkentte alǵash ret "Meıirim mekeninde" konserti ótti

О́ner keshi Qazaqstan boıynsha alǵash ret úshinshi megapolıste ótip otyr. El Táýelsizdiginiń 30 jyldyǵyna oraılastyrylǵan is-sharany "Fatyma" qaıyrymdylyq qory Shymkent qalasy ákimdiginiń qoldaýymen uıymdastyrǵan. Bul keshtiń ereksheligi sol - balalar úıleriniń tárbıelenýshileri belgili sahna juldyzdarymen birge óner kórsetti.

Konsertti tamashalaýǵa qala ákimi Murat Áıtenov, qalalyq máslıhattyń depýtattary men basqarma basshylary, qoǵam qaıratkerleri, qala turǵyndary jınaldy.

– Búgingi keshti erekshe kesh dep senimmen aıta alamyz. "Meıirim mekeninde" jobasy bıyldan qolǵa alynyp, alǵash ret Shymkentte bastalyp otyr. Bul biz úshin úlken maqtanysh ári jaýapkershilik. О́zderińiz tamashalap otyrǵandaı, erekshe taǵdyrly balalar óz ónerlerin sizderge pash etýde. Elimizde qazirgi tańda balalar úıleriniń sany azaıyp, patronattyq tárbıe keń jolǵa qoıylyp keledi. Al balaqaılar bizderdi, eresekterdi árdaıym qýanta bersin! – dedi Shymkent qalasynyń ákimi Murat Áıtenov.

О́ner keshinde túrli taǵdyrly balalar Bekjan Turys, Narkenje Serikbaeva, Zattybek Kópbolsynuly, Tańat Mamyrhanuly sekildi tanymal óner juldyzdarymen birge sahnada án saldy, ónerli toptar bı bıledi, sporttyq mashyqtaryn kórsetti.

О́ner keshinde Shymkent qalasy ákimdiginiń atynan ár balaqaıǵa baǵaly syılyqtar tabys etildi. Sonymen qosa Ońtústik Qazaqstan memlekettik pedagogıkalyq ýnıversıtetiniń rektory Gúljan Súgirbaeva balalar úıiniń bir túlegin keler jyly grantpen oqýǵa qabyldaýǵa ýáde etti.

Nurlan Bektaev