• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 16:12:51
Almaty

Foto: Shymkent qalasy ákimdiginiń baspasóz qyzmeti

Shymkentte alǵash ret elimizdegi balalar úıiniń tárbıelenýshileriniń «MEIIRIM MEKENINDE» atty óner keshi ótti.

QR Táýelsizdiginiń 30 jyldyǵyna oraı uıymdastyrylǵan saltanatty sharaǵa elimizdegi balalar úıiniń 84 tárbıelenýshisi óner kórsetti.

Áýendi keshke Shymkent qalasynyń ákimi Murat Áıtenov jáne qala máslıhatynyń depýtattary qatysty.

– Búgingi ıgi shara táýelsizdigimizdiń 30 jyldyǵy qarsańynda Qazaqstanda alǵash ret uıymdastyrylyp otyr. Elimizde balalar úıleri bolmasyn. Bul baǵytta el bolyp jumys jasaýymyz kerek. Búldirshinderimiz el azamaty bolyp óssin. Sizderdiń jetistikterińizge kýá bolyp júre bereıik,-dedi qala ákimi.

Shymkent qalasy ákimdiginiń baspasóz qyzmeti

Balalardyń shyǵarmashylyǵyn qoldaý úshin elimizge belgili óner maıtalmandary Bekjan Turys, Zattybek Kópbosynuly, Narkenje jáne Tańat Mamyrhanuly qatysyp, jas daryndylarmen sahnada dýet oryndady.

Qala ákimdigi tarapynan búgingi keshtiń barlyq qatysýshysyna baǵaly syılyqtar tabystaldy. Sonymen birge, OQMÝ joǵary oqý orny áýendi sharanyń 1 qatysýshysyna oqý grantyn bóletinin habarlady.

– Tárbıelenýshiler arasynda shyǵarmashyl, bilim men ǵylymǵa jaqyn, ónerde oza shaýyp júrgender bar. Olardy nasıhattap, qoldaý qajet-aq. Ata-ananyń qamqorlyǵyn kórmese de, ómirge qushtar. Búgin daryndy balalardy kópshilikke tanystyryp, olardyń qoǵamnan tys qalmaǵanyn sezindirýdi kózdedik,-deıdi joba jetekshisi Aqbaıan Saparbekova.

Shymkent qalasy ákimdiginiń baspasóz qyzmeti

Osy joba sheńberinde jetkinshekter Shymkent qalasynyń kórikti jerlerin tamashalap, tarıhı oryndarymen tanysady.

Shymkent qalasy ákimdiginiń baspasóz qyzmeti

Shymkent qalasy ákimdiginiń baspasóz qyzmeti

"Qamshy" silteıdi
Ilmek sózder: Shymkent óner keshi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir