• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 01:20:26
Almaty
+2°

Nursultan Nazarbaev prezıdent retindegi ókilettigin toqtatýy sebepteriniń biri   omyrtqasyna jasatqan otamen baılanysty ekenin aıtty. Bul týraly   "Shtrıhı k portretý. Otkrovenıe" derekti fılminde bergen suhbatynda habarlady.

– Qazir buryn eshqaıda aıtpaǵan dúnıeni aıtaıyn. Men omyrtqama, belime  óte kúrdeli ota jasattym. 2011 jyly  8 naýryzda  konsertte otyrǵanbyz. Konsert bitti, ornymnan turdym. Bitti, aıaǵymdy basa almaımyn. Birdeńe boldy. Kúzet ofıserin shaqyrdym da, "qasyma tur" dedim. Adamdar baıqamaýy úshin onyń qolynan taıaq ustaǵandaı ustap alyp júrdim. Zal lyq toly. Mine, osylaı boldy", - dedi Nazarbaev "Shtrıhı k portretý. Otkrovenıe" derekti fılminde bergen suhbatynda.

Onyń aıtýynsha, saraptama kezinde omyrtqasynda aqaý bary belgili bolǵan. Keıin ota jasatqan.

– Bala kezimde qyzyl otrıad komandıri týraly fılm kórgenmin. Ol jaralanady, al otrıad shabýylǵa shyǵýy kerek. Biraq ol qolyn tańyp, paltosyn kıip, jasaq aldynda turýy kerek boldy. Prezıdent te sondaı. Prezıdent naýqas bolsa, ol memleketti basqara almaıdy. Jaǵdaıy qıyn bolsa, eldiń jaǵdaıy qandaı bolady? El qınalýy kerek pe? El aralap, kezdesý ótkizýdi jalǵastyrýy kerek, 350 kezdesý. Al densaýlyq jaramasa qalaı kezdesý ótkizesiz?

2011 jyly bolatyn. Odan keıin de emdelýge týra keldi, ol kúrdeli ota edi. Maǵan tájirıbeli, jaqsy hırýrg kezdesti. Bul da mańyzdy sheshim shyǵarýyma sebep boldy. Bul týraly eshqashan aıtqan emespin. Muny qalaı aıtamyn jáne qalaı jumys isteımin? Ketý kerek. Biraq ketýge daıyn bolmadym, óıtkeni izbasar máselesi sheshilmedi, – dedi Nazarbaev.

Ol bılikten ketkenine eki jyldan asa ýaqyt ótkennen keıin de tańdaýyna ókinbeıtinin aıtty.

– Osy jaǵdaıdan keıin, eshqashan aýyrǵan emespin, qazir de aýyrmaımyn, – dep qosty ol.

Nursultan Nazarbaev 2019 jylǵy 19 naýryzda prezıdent retindegi ókilettigin toqtatqan. Alaıda NurOtan partııasy men qaýipsizdik keńesiniń tóraǵasy retinde bılikke yqpal ete alady.

"Qamshy" silteıdi
Ilmek sózder: Nursultan Nazarbaev

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir