Shymkenttegi Respýblıka kóshesindegi túngi jaryqshamdar jańartyldy

Shymkent qalasynyń ortalyq kósheleriniń biri Respýblıka dańǵylynda túngi jaryqshamdar jańartyldy.

Dańǵyl boıyndaǵy eski jaryqshamdar eki deńgeıli jaryqshamdarǵa aýystyrylyp, jaıaý júrginshiler jolyna qaraı qosymsha jaryqshamdar ornatyldy. Jaryqtandyrý jumystarynyń nátıjesinde kóshe boıyndaǵy baǵanalarǵa 296, al jaıaý júrginshiler jolyna 148 jańa shamdar qoıyldy.

Respýblıka dańǵylynda ornatylǵan jaryqshamnyń buǵan deıin qýattylyǵy 15 lıýks quraǵan bolsa, búginde olardyń qýattylyǵy 30 lıýksqa kóterildi.

Osy jyly turǵyndardyń qaýipsizdigin arttyrý maqsatynda jasalynyp jatqan jumystar barysynda merdiger mekeme «ABM Building 2007» JShS tarapynan megapolıstegi 30 kóshedegi jaryqshamdar rekonstrýksııadan ótip, 104 kóshege jańa jaryqshamdar ornatylatyn bolady.