• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 16:20:22
Almaty

Shymkenttegi jastarǵa vaksınalaýdyń mańyzdylyǵy nasıhattaldy. Megapolıste is-saparda júrgen «Elim úshin egilemin» atty azamattyq shtabtyń ókilderi Qarataý aýdandyq jastar resýrstyq ortalyǵynda qaladaǵy belsendi jastarmen kezdesti.

Erkin formatta ótken jıynda Qazaqstan zańgerler odaǵynyń Nur-Sultan qalasyndaǵy fılıal tóraǵasy, azamattyq shtab múshesi Serik Berkamalov pen sanıtarlyq-epıdemıologııalyq baqylaý komıtetiniń resmı ókili Erjan Baıtanaev vaksına qabyldaý sharasynyń mán-mańyzyn túsindirdi.

Al kezdesýdi qalalyq ishki saıasat jáne jastar isteri jónindegi basqarma basshysynyń orynbasary Beksultan Ádilhanov júrgizip otyrdy.

Foto: Serik Qosaev

Komıtettiń resmı ókili kezdesýde el kóleminde júrip jatqan indetke qarsy kúres sharalary jóninde de oı bólisti. Erjan Baıtanaev sońǵy málimetterdi keltire otyryp, vaksınalaýdyń mańyzdy ekenine taǵy bir toqtalyp ótti.

– Elimizde ekpe saldyrǵandar kórsetkishi búgingi tańda edáýir ulǵaıyp, ujymdyq ımmýnıtet qalyptastyrýdyń aldynda turmyz. Degenmen vaksınasııalaýǵa baılanysty halyq arasynda túrli aqparattar tarap jatyr. Olardyń basym kópshiligi balalar vaksınasyna qatysty feık aqparattar. El Úkimeti balalarǵa koronavırýsqa qarsy ekpe salý jumystaryn bastaǵan joq. Tipti, ondaı vaksına elimizge ákelingen joq. Qazir sheteldik Pfizer vaksınasyn óndirýshilermen kelissóz júrgizip jatyr. Aldaǵy ýaqytta elimizge ekpeniń osy túri kelse, júkti áıelder men oqýshylar vaksınalanýy múmkin. Bul bizdiń josparymyz. Balalarǵa ata-anasynyń nemese qamqorshysynyń ruqsatynsyz, al júkti áıelderge ózderiniń kelisiminsiz ekpe egý jumystary júrgizilmeıdi. Jalǵan aqparattarǵa ermeı, árkim óz densaýlyǵyn oılaýy qajet, - dedi E.Baıtanaev.

Foto: Serik Qosaev

Kezdesýde jastar jaǵy da belsendilik tanytyp, ekpege qatysty ózderin mazalaǵan suraqtarynyń jaýaptaryn aldy.

A.JÁDIGERULY

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir