Bala tárbıesi – ortaq múdde: Shymkentte respýblıkalyq ata-analar forýmy ótti

Shymkentte «Ata-ana – ulttyń uıasy» atty ata-analar forýmy ótti. «Senimen bolashaq» respýblıkalyq qoǵamdyq birlestigi uıymdastyrǵan aýqymdy is-shara Shymkent qalasynyń ákimdiginiń qoldaýymen ótti.

Oflaın ótken forýmǵa Shymkent qalasy ákiminiń birinshi orynbasary Shyńǵys Muqan, «Senimen bolashaq» QB quryltaıshysy Nurken Asanov, QR Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Shahmardan Baımanov, Túrkistan oblystyń adamı áleýetti damytý basqarmasynyń basshysy Raqymbek Jolaev, «Bilim-Innovasııa» halyqaralyq qoǵamdyq qorynyń prezıdenti Darhan О́te, ata-analar men qala turǵyndary qatysty.

Forýmǵa QR Bilim jáne ǵylym vıse-mınıstri Sholpan Karınova onlaın qosylyp, sáttilik tiledi.

«Mundaı bastamalar, ata-analar forýmy – óte mańyzdy. Bala tárbıesi – ortaq múdde. «Ata-ana – mektep – oqýshy» úshtigi tyǵyz qatynasta jumys istese, kóp jetistikke jeterimiz sózsiz. Sebebi balalarymyz, oqýshylardyń bilimi men tárbıesi eresekterdiń basty mindet-maqsaty sanalady. Forým jumysyna mınıstr Ashat Aımaǵambetovtyń atynan sáttilik tileımin!» – dedi Sholpan Tańatqyzy.

«Senimen bolashaq» respýblıkalyq qoǵamdyq birlestiginiń quryltaıshysy, qoǵam qaıratkeri Nurken Asanov, ásirese, pandemııa urpaq tárbıesine salǵyrt qaraýǵa bolmaıtynyn, ınternet damyǵan zamanda ár ata-ananyń balalardyń janynan árdaıym tabylý mańyzdy ekenine toqtaldy ári «Senimen bolashaq» respýblıkalyq qoǵamdyq birlestiginiń qurylý maqsatyn da aıtyp ótti.

«Bul – «Senimen bolashaq» respýblıkalyq qoǵamdyq birlestiginiń 5-shi is-sharsy. Bala úshin bas ustaz – ata-ana ekenin eskersek, jaqsy ata-ana bola bilý de asa jaýapty is. Birlestiktiń maqsaty da ata-analardyń psıhologııalyq-pedagogıkalyq biliktiligin arttyrý. Balanyń tulǵa, kemel adam retinde qalyptasý jolynda mańyzdy faktor sanalatyn otbasynyń, ásirese, ákelerdiń bala tárbıesine at salysýyna jaǵdaı jasaý, nasıhattaý, sonymen qatar pedagogtardyń statýsyn kóterý», – dedi «Senimen Bolashaq» RQB quryltaıshysy Nurken Asanov.

Al Shymkent qalasy ákiminiń birinshi orynbasary Shyńǵys Muqan bala tárbıesi ár ata-ananyń ózine tikeleı baılanysty ekenine basa nazar aýdardy.

«Balany tárbıeleý úshin aldymen ózimizdi tárbıeleýimiz kerek. Qarapaıym mysal retinde aıtaıyn, barlyǵymyzda derlik uıaly telefon bar. Statıstıka boıynsha adam ár 3 mınýt saıyn sol telefonǵa qarap qoıa beredi. Sóıte tura balasyna gadjetke qumar bolmaýdy eskertedi. Al ol úshin eresek adam aldymen ózi úlgi bolýy kerek. Oqýshylardyń janynda muǵalimi 5-6 saǵat bolsa, táýliktiń qalǵan ýaqytynda ata-anasy bolady. Sondyqtan ata-ana retinde jaýapkershilikti sezinýimiz kerek», – dedi Shyńǵys Jumabekuly.

Forým barysynda, QR Aqparat jáne qoǵamdyq damý mınıstrligi Jastar jáne otbasy isteri komıtetiniń tóraǵasy Shahmardan Baımanov, «Bilim-Innovasııa» halyqaralyq qoǵamdyq qorynyń prezıdenti Darhan О́te, Túrkistan oblystyń adamı áleýetti damytý basqarmasynyń basshysy Raqymbek Jolaev sóz alyp, bala tárbıesi jaıly usynystaryn ortaǵa saldy.

Plenarlyq jıynnan keıin forým túrli taqyryptaǵy semınar-trenıngtermen jalǵasty. Bala tárbıesi salasyndaǵy koých-trenerler Eljas Ertaıuly, Ashan Abjanov, Ǵalymbek Bermaǵanbetov sekildi mamandardyń tájirıbesi forýmǵa kelgenderdiń kóńilinen shyqty.

Trenıngter arasynda forýmǵa kelgen qatysýshylardy sergitý maqsatynda dástúrli ánshi, Qazaqstannyń eńbegi sińirgen qaıratkeri, «Daryn» memlekettik jastar syılyǵynyń ıegeri Aıgúl Elshibaeva jáne Qazaqstandyq estrada ánshisi, Qazaqstannyń eńbegi sińirgen qaıratkeri, «Daryn» memlekettik jastar syılyǵynyń ıegeri Dosymjan Tańatarov óner kórsetti.