• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 01:29:38
Almaty
+2°

NASA-nyń "Preseverance" dep atalatyn roveriniń Marsqa qonǵan segiz aıdan bergi jibergen sýretteri Qyzyl Ǵalamsharda kól bolǵanyn rastady. 

Fransııanyń Nant qalasyndaǵy "Laboratories de Planétologie et Géodynamique" zertteýshisi Nıkolıa Mangold ǵylmı jańalyq týraly aıtty. Ol NASA-nyń baspasóz máslıhatynda "negizgi baıqaýdyń" Marstaǵy "Djezero kóli men ózen deltasynyń bolýyn birjolata rastaıtynyn" málimdedi. 

7 qazanda "Science" jýrnalynda jarııalanǵan zertteý Marstaǵy roverdiń kamerasy arqyly túsirgen sýretterge negizdelgen.

"Mundaı jaqsy saqtalǵan stratıgrafııa Marsta buryn-sońdy bolǵan emes" dedi Mangold.

Roverdiń alǵashqy sýretteriniń analızi boıynsha, 3.7 mld jyl buryn bolǵan ejelgi kól keıde ondaǵan kılometr qashyqtyqqa deıin tasyǵan. 

Bul nátıjeler endi NASA -nyń Marstaǵy úlgi taý jynystaryn qaı jerden alyp Jersharyǵa jiberetinine áser etedi. Taý jynystaryn jiberý 2031 jylǵa qaraı bolady dep kútilýde. Eger bul mıssııa sátti aıaqtalsa, ǵalymdar Marsta joǵalyp bara jatqan tirshiliktiń usaq belgileriniń bar-joǵyn bilýi yqtımal. 

 

"Qamshy" silteıdi
Ilmek sózder: Mars

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir