Toqaev sherýletken kópbalaly analar áreketin masyldyqqa teńep, prokýratýraǵa tapsyrma berdi

Prezıdent Qasym-Jomart Toqaev Qazaqstan halqy assambleıasynyń keńeıtilgen otyrysynda kópbalaly analardyń narazylyq sharalaryna baılanysty pikir bildirdi.

– Shyn máninde ana degenimiz –  otbasynyń uıytqysy, ananyń orny erekshe. Ony bárimiz de bilemiz. Sondyqtan biz qoǵamda anaǵa degen qurmetti óte joǵary qoıýýymyz kerek. Sonymen qatar analar da qoǵam aldynda óz jaýapkershiligin tereń sezinýi kerek. Keıbir kópbalaly analarymyz zańsyz sherýlerge shyǵyp, aıqaı-shý kóterip, qoǵamdyq tártipti buzyp otyr, –  dedi ol.

Sonymen qosa prezıdent analardyń bul áreketin "masyldyq" dep atap, muny qoǵamdyq, tipti saıası problema ekenin aıtty.

– Biz "Beıbit jınalystar týraly" óte jaqsy zań qabyldadyq. Kim ne aıtsa da, bul demokratııany damytý jolyndaǵy mańyzdy qadam. Beıbit jınalystar men demonstrasııalarǵa eshkim de kedergi keltirmeıdi. Onda bári jazylǵan. Resmı ruqsat alý qajet. Bul jınalystar, demonstrasııalar habarlandyrý rejıminde de ótkizile alady. Biraq osynaý bolmashy talapty keıbir azamattar buzýǵa bolady dep esepteıdi. Osy tektes áreketterge quqyqtyq baǵa beriledi. Bas prokýrtýranyń mindeti azamattarymyzǵa osy zańdy túsindirýdi jalǵastyrý, al barlyq quqyq qorǵaý organdarynyń mindeti qoǵamdyq tártipti, zańnamamyzǵa sáıkes qoldaý. 

Men mundaı áreketterge quqyqtyq baǵa beriletinin eskertemin. Bas prokýratýranyń mindeti bekitilgen zańdy azamattarymyzǵa túsindirýdi jalǵastyrý, al barlyq quqyq qorǵaý organdarynyń mindeti bizdiń zańnamaǵa sáıkes qoǵamdyq tártipti saqtaý, – dedi Toqaev.