• USD 468.56

  • EUR 497.56

  • RUB 7.3

  • CNY 67.18

29 Naýryz, 11:23:46
Almaty
+35°

Semeıde muǵalimderdi kóshe sypyrýǵa jibergen laýazymdy tulǵalar ákimshilik jaýapqa tartyldy. Olardyń arasynda qala ákiminiń orynbasary Dmıtrıı Garıkov ta bar, dep habarlady bilim jáne ǵylym mınıstrliginiń baspasóz qyzmeti.

Buǵan qosa, mınıstrlik ákim orynbasaryna qatysty tártiptik shara qoldaný týraly hat joldaǵan.

Bilim mınıstrliginiń qyzmetkerleri ákimshilik isti qarady. Tekseris barysynda senbilikke №43 mekteptiń muǵalimderinen bólek, №9 mekteptiń muǵalimderi de jiberilgeni anyqtaldy.

"Muǵalimder qalany abattandyrý jumystaryna Semeı qalasy ákiminiń orynbasary Dmıtrıı Garıkovtyń haty negizinde shyqqan. Hatta ustazdardyń senbilikke tańǵy saǵat 09.00-da shyǵýyn qamtamasyz etý tapsyrylǵan. Ár mektepke aýmaqty tazartý jumystaryn júrgizý úshin belgili bir ýchaske berilgen. Tapsyrmanyń oryndalýyn baqylaý ákimdiktegi bólimshelerdiń birine júktelgen" delingen habarlamada.

Osydan keıin bilim mınıstrligi oblystar men respýblıkalyq mańyzy bar qalalardyń ákimdikterine muǵalimderdi qyzmetinen tys jumystarǵa tartýǵa, oqý prosesine kedergi keltirýge bolmaıtyny týraly hat joldandy. Sebebi bul "Pedagog mártebesi týraly" zańǵa qaıshy keledi.

"Semeı qalasy bilim bóliminiń basshysy Natalıa Fesenko sógis aldy jáne ákimshilik jazaǵa tartyldy. №9 orta mekteptiń dırektory N.V. Tegaı men №43 orta mektep dırektorynyń mindetin atqarýshy A.V. Iskrına da ákimshilik jaýapkershilikke tartyldy" dedi vedmostvo.

Eske salsaq, 16 qazanda áleýmettik jelide Semeıdiń №43 mektebinde oqý prosesine kedergi keltirip, muǵalimderdi senbilikke kóshe sypyrýǵa jibergeni týraly aqparat tarady. Bilim mınıstri Ashat Aımaǵambetov mekteptegi sabaqtardy toqtatyp, muǵalimderdi kóshe sypyrýǵa jibergender jazalanatyny týraly jazǵan bolatyn.

Keıin Semeı qalasynyń basshylyǵy mınıstrge tazalyq búkil qalada bolǵanyn aıtyp, sabaqtardyń toqtatylmaǵanyn, onlaın formatta júrgenin aıtqan.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir