• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 16:05:55
Almaty

Májilis tóraǵasy Nurlan Nyǵmatýlın 2022-2024 jyldarǵa arnalǵan respýblıkalyq bıýdjettiń jobasyn maquldaý barysynda birinshi kezekte, ádettegideı, áleýmettik mindetterdi qarjylandyrýǵa erekshe nazar aýdarylǵanyn atap ótti.

Nurlan Nyǵmatýlınniń aıtýynsha, aldaǵy úsh jylǵa arnalǵan respýblıkalyq bıýdjet jobasy memlekettiń barlyq áleýmettik mindettemelerin oryndaýǵa múmkindik beretin, eldi damytý maqsattaryna jaýap beretin, pandemııadan keıingi qalpyna keltirýdiń kúrdeli jaǵdaılaryn eskeretin etip jasalǵan. Bul rette depýtattardyń da, Úkimettiń de mindetibólingen qarajattyń maqsatty, ashyq ári tıimdi ıgerilýi.

Zań jobalaryn talqylaý barysynda depýtattar jaýapty memlekettik organdardyń basshylaryna birqatar suraqtar qoıyp, óz pikirlerimen bólisti.

Atap aıtqanda, depýtattar úshjyldyq bıýdjet jobasynda múgedekterdiń ómir súrý sapasyn jaqsartýǵa 79,8 mlrd. teńge qarastyrylǵanyn, osy qarajat esebinen múgedek adamdar tehnıkalyq ońaltý quraldarymen qamtamasyz etiletinine toqtaldy. Olar protezder, arbalar, sanatorıı-kýrorttyq em alý. Sondaı-aq 84 myń tehnıkalyq kompensatorlyq qural, 9,6 myń estý apparaty, 16 myń tıflotehnıkalyq qural jáne basqalary satyp alynatyn bolady. Depýtattardyń pikirinshe, 2020 jyldan beri atalǵan taýarlardy satyp alý «Áleýmettik kórsetiletin qyzmetter portaly» dep atalatyn mınıstrliktiń aqparattyq júıesi arqyly júzege asyrylady. Nátıjesinde adamdar kóptegen problemalarǵa tap boldy. Aıtalyq olar taýarlardyń sapasyn anyqtap, táýekelder úshin ózderi jaýap berý kerek.Eger aqaýlar tabylǵan jaǵdaıda, qaıtarý máselesin de óz esebinen sheshýleri kerek. Osyǵan baılanysty tıisti mınıstrlik basshysyna sapaly jumyspen qamtamasyz etý máselesin kóterdi.                          

Osyǵan baılanysty Nurlan Nyǵmatýlın:

– Bul problema búgin ǵana aıtylyp otyrǵan joq. Bul týraly depýtattar Sizdiń atyńyzǵa depýtattyq saýal da joldady. Siz sheshýge ýáde berdińiz. Biraq, jarty jyl ótti. Áli eshqandaı ózgerister joq. Qandaı jumys jasaldy? Búgin mine, taǵy da bólinetin qarajatty kóbeıtýdi surap otyrsyz. Al, onyń nátıjesi qandaı bolady? Árıne osyndaı kisilerge kómektesýimiz qajet.Sol úshin ár bıýdjetti qaraǵan kezde eń kóp qarjy sizderge  bólinedi. Oǵan sáıkes, nátıje de joǵary deńgeıde bolý kerek, –  dedi.

Sonymen qatar, bıýdjettik zań jobany talqylaý barysynda memlekettiń turaqty damýyna ekonomıkalyq jáne áleýmettik ahýalǵa qatysty suraqtar jan-jaqty qaraldy. Nátıjesinde 2022-2024 jyldarǵa arnalǵan respýblıkalyq bıýdjetti maquldaý jónindegi kaýly qabyldandy. Osyǵan oraı májilis tóraǵasy:

 – Biz parlamenttiń de,  úkimettiń de aldynda turǵan  eń jaýapty mindettiń biri - úsh jyldyq bıýdjetti maquldadyq. Osy úsh jyldyq bıýdjette birinshi kezekte, ádettegideı, áleýmettik mindetterdi qarjylandyrýǵa erekshe nazar aýdaryldy. Shyn máninde, bıýdjettiń jartysy osy  salaǵa  arnaldy deýge bolady. Sonymen birge, eńbekpen qamtý, kásipkerlikti qoldaý, bıznesti damytý, aýyldy órkendetý  basqa da salalarǵa tıisti   qarajattar  qaraldy. Osynyń nátıjesinde biz elimizdiń jáne halqymyzdyń áleýmettik ekonomıkalyq baǵytyn odan ári nyǵaıtýǵa taǵy  bir  naqty  qadam  jasadyq. Endigi basty mindet – osy qarajattardy josparǵa sáıkes, óz ýaqytynda,  tıimdi  paıdalaný. Osy jolda úkimet depýtattyq korpýspen birlese otyryp, nátıjeli jumys atqarady  dep senemiz, – dedi májilis tóraǵasy.

 

 

 

"Qamshy" silteıdi
Ilmek sózder: Nurlan Nyǵmatýlın

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir