Qytaı oqýshylary/Kórneki sýret
Qytaıdyń zań shyǵarýshy organy ata-analarǵa balalaryna sabaq boıynsha shekten tys júkteme artýǵa tyıym salatyn zań jobasyn ázirlep jatyr, dep habarlady Sınhýa agenttigi.
Otbasylyq tárbıe týraly zań jobasy keshe Halyq ókilderiniń jalpyhalyqtyq jıynynyń turaqty komıteti sessııasynda úshinshi oqylymda tanystyrylǵan.
Zań jobasyna saı, ata-analar men balalar qamqorshysy balalardyń oqý, demalý, kóńil kóterý, fızıkalyq jattyǵý jasaýy úshin ketetin ýaqytyn uıymdastyrýǵa tıis. Sondaı-aq ata-analar balalary ınternetke táýeldi bolyp qalmaýyn qadaǵalaýǵa mindetti.
Basylym balasyna úlken úmit artatyn ata-analar olardyń jetistikke jetýi úshin kóp nársege ázir ekenin, 45 mınýttyq jeke sabaq úshin 200 ıýan (shamamen 13 myń teńge) tóleýge qınalmaıtynyn jazady.
Alaıda oqýshylarǵa shamadan tys júkteme artylyp, olar uıqysyzdyqqa jıi shaldyǵatyn bolǵan. Kózderi jaqynnan kórmeıtinder kóbeıgen. Buǵan alańdaýshylyq bildirgen qytaı úkimeti bilim júıesin reformalaý bastamalaryn kóterip júr.
Zań jobasynda qozǵalǵan qaǵıdalardyń keıbiri úı tapsyrmasy men synyptan tys sabaqtardy azaıtýǵa shaqyrady. Sondaı-aq sabaqtan tys jattyǵýlardy toqtatýǵa qatysty ereje talqylanyp jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir