Nurlan Nyǵmatýlın Saýd Arabııasy konsýltatıvtik keńesiniń tóraǵasy Ál Ash-Sheıhpen kezdesti

Májilis tóraǵasy Nurlan Nyǵmatýlın Qazaqstanǵa resmı saparmen kelgen Saýd Arabııasy Koroldigi konsýltatıvtik keńesiniń tóraǵasy Abdalla ben Muhammad ben Ibrahım Ál Ash-Sheıhpen kezdesti.

Kezdesý barysynda Nurlan Nyǵmatýlın Saýd Arabııasy Qazaqstannyń Taıaý Shyǵystaǵy jáne musylman elderindegi eń  mańyzdy seriktesteriniń  biri ekenin aıtty.

Májilis tóraǵasy Qazaqstannyń tuńǵysh prezıdenti Nursultan Nazarbaev árqashanda Saýd Arabııasymen qarym-qatynasty damytýǵa erekshe kóńil bóletinin, búginde bul baǵytty Qazaqstannyń prezıdenti Qasym-Jomart Toqaev jalǵastyryp kele jatqanyn atap ótti.

Sonymen qatar, palata spıkeri Saýd Arabııasy Qazaqstannyń saýda-ekonomıkalyq jáne ınvestısııalyq salalardaǵy mańyzdy áriptesteriniń biri ekenin, eki el basshylarynyń birlesken jumystary Nur-Sultan jáne Er-Rııad qalalary arasyndaǵy yntymaqtastyqty odan ári damytýǵa oń serpin beretinine mán berdi.

Kezdesý barysynda Nurlan Nyǵmatýlın beıindi parlamenttik komıtetter arqyly ózara saparlar almasý tájirıbesin odan ári belsendi jalǵastyra otyryp, parlamentaralyq uıymdar sheńberinde jumysty ári qaraı tıimdi yntalandyrý kerektigine toqtaldy.

О́z kezeginde, mártebeli meıman eki el arasyndaǵy saıası-ekonomıkalyq baılanystyń erekshe damyp kele jatqanyn, osy qalyptasqan qarym-qatynasty odan ári nyǵaıtý qajettiligin atap ótti.

Nurlan Nyǵmatýlın men Ál Ash-Sheıh Qazaqstan men Saýd Arabııasy qatynastaryn jan-jaqty nyǵaıtý jáne arttyrý parlamentaralyq yntymaqtastyqty odan ári damytýǵa zor serpin beretinine senim bildirdi.

Májilistiń baspasóz qyzmeti