• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 00:30:20
Almaty
+2°

Qazgıdroment 2021 jylǵy qarasha men 2022 jylǵy naýryz aılaryna arnalǵan aýa raıy boljamyn jarııalady.

Qarasha. Aıdyń birinshi jartysy jyly bolady dep boljanýda. Qazaqstannyń soltústik jartysynda aýa temperatýrasy túnde -3+2°S-tan -8-13°S-qa deıin, kúndiz +3+10°S-tan -2+3°S-qa deıin aýytqýy yqtımal.

Birinshi onkúndiktiń sońynda respýblıkanyń soltústiginde, soltústik-batysynda, shyǵysynda jáne ortalyǵynda ekpindi jelmen jaýyn-shashyn (kóbinese qar túrinde) kútiledi. Bul aıdyń ekinshi jartysynda jıileıdi. Kóktaıǵaq pen tuman bir aı boıy jıi baıqalady. Aıdyń ekinshi jartysynyń eń sýyq kúnderinde termometr baǵanasy túnde -17-25°S-qa deıin, kúndiz -8-13°S-qa deıin, al eldiń shyǵysynda túnde -30°S-qa deıin, kúndiz -18°S-qa deıin tómendeıdi. Qarashanyń úshinshi onkúndiginde aıazdyń álsireýi kútiledi, kúndiz aýa temperatýraly oń kórsetkishke ıe bolady.

Eldiń batysy, ońtústigi men ońtústik-shyǵysynda jańbyr men qar túrinde jaýyn-shashyn jaýady. Eń jyly kúnder aıdyń birinshi jartysynda boljanady, kúndiz aýa temperatýrasy +10+18°C-qa deıin joǵarylaýy múmkin, alaıda qarashanyń ekinshi jartysynda temperatýra fony túnde -5-17°C, kúndiz -2-7°C-qa deıin tómendeıdi. Úshinshi onkúndikte kún qaıtadan jylynady.

Jeltoqsanda coltústik aımaqtarda qarly borandy kúnder sany artyp, ońtústik aımaqtarda tuman men kóktaıǵaq jıi baıqalady. Jeltoqsan aıynda jaýyn-shashyn mólsheri respýblıkanyń basym bóliginde normadan az, eldiń soltústik jartysy men shyǵysynda norma shamasynda, qıyr soltústiginde normadan kóp bolady dep boljanady.

Qańtar. Mońǵolııa aımaǵynan antısıklonynyń áseri kúsheıe túsedi. Túngi saǵattarda termometr baǵanalary eldiń soltústik jartysynda -35-40°S-qa deıin, ońtústiginde -22-30°S-qa deıin tómendeýi múmkin. Ortasha aılyq temperatýra respýblıka aýmaǵynyń basym bóliginde normadan 1-2° tómen, eldiń qıyr batysynda, ońtústik-batysynda, soltústiginde, ońtústiginde jáne ońtústik-shyǵysynda norma shamasynda bolady dep kútilýde. Respýblıka boıynsha jaýyn-shashyn mólsheri kópjyldyq normadan az, elimizdiń qıyr soltústik-batysynda, soltústik-shyǵysynda jáne Almaty oblysynyń ońtústik-shyǵysynda norma shamasynda boljanady.

Aqpan. Klımattyq sıpattamalary men aınalym erekshelikteri qańtarǵa óte jaqyn. Qar men boran, ádette, Qazaqstannyń soltústik jartysynda saqtalady. Ortasha aılyq aýa temperatýra QR aýmaǵynyń basym bóliginde norma shamasynda, respýblıkanyń ońtústik-shyǵysynda normadan 1° joǵary bolady dep kútilýde. Jaýyn-shashyn respýblıkanyń basym bóliginde norma shamasynda, eldiń ońtústik-batys jartysynda, Ortalyq Qazaqstannyń batysynda normadan az, respýblıkanyń ońtústigi men ońtústik-shyǵysynyń taýly jáne taý bókterindegi aýdandarynda normadan kóp boljanady.

Naýryz Qazaqstannyń ońtústigi úshin ádettegi kóktem aıy bolsa, soltústik oblystarda qys áli de jalǵasady. Boljam boıynsha kóktemniń alǵashqy aıy sýyq bolady. Qazaqstan aýmaǵynyń basym bóliginde ortasha aılyq aýa temperatýra normadan 1-2° tómen, al qıyr batysta norma shamasynda bolady dep kútilýde. Naýryzda jaýyn-shashyn mólsheri respýblıkanyń soltústik jartysynda jáne qıyr ońtústiginde, ońtústik-shyǵysynda norma shamasynda, eldiń ońtústik jartysynda normadan az bolady dep boljanady.

"Qamshy" silteıdi
Ilmek sózder: aýa raıy boljamy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir