"Altyn belgi satylyp jatyr". Bilim mınıstrligi túsinik berdi

Mektepti úzdik bitirgen oqýshylarǵa arnalǵan «Altyn belgi» medaliniń satylýyna qatysty bilim jáne ǵylym mınıstrligi túsinik berdi.

– «Altyn belgi» – ataýly medal. Ol jalpy orta bilim týraly «Altyn belgi» attestatymen birge berilip, qujatyna alýshynyń aty-jóni jazylady. Iаǵnı ony bireýge berý nemese satý múmkin emes, – dedi bilim jáne ǵylym mınıstrligi baspasóz qyzmetiniń jetekshisi Móldir Ábdiýálıeva.

Onyń aıtýynsha, atalǵan medal jeke kolleksıoner nemese nýmızmattar úshin qyzyqty bolýy múmkin.

Buǵan deıin, onlaın habarlandyrý platformalarynyń birinde mektep túlegi "Altyn belgi" medalin 2 mıllıon teńgege satýǵa qoıǵany habarlandy.