Talıban qyzdar mektepke qaıta oralatynyn málimdedi

Aýǵanstan Ishki ister mınıstrligi qyzdardyń orta mektepte oqýyna jaqyn arada ruqsat etiletinin aıtty.

Aýǵanstan ishki ister mınıstrliginiń ókili Karı Saıd Hostı Ál-Jazıra telearnasyna bergen suhbatynda naqty ýaqytty Bilim mınıstrligi jarııalaıtynyn habarlady.

– Meniń túsinigim men aqparatym boıynsha, jaqynda barlyq ýnıversıtetter men mektepter qaıta ashylady, barlyq qyzdar men áıelder mektepke jáne muǵalimdik jumystaryna oralady, – dedi ol.

Talıban jasóspirim qyzdarǵa "qaýipsiz oqý ortasy" bolǵanǵa deıin mektepke barmaý kerektigin buıyrǵan. Biraq barlyq synyptaǵy uldar men bastaýysh mektep jasyndaǵy qyzdar mektepke qaıta oraldy.

1990-shy jyldardaǵy Talıban bıligi kezinde Aýǵanstandaǵy áıelderdiń bilim alýy jáne jumysqa ornalasýyna zańdy túrde tyıym salynǵan. Aýǵanstandaǵy jańa bıliktiń keıbir shekteý saıasattary "tálipter burynǵy qatal rejımdi qaıtalaýy múmkin" degen qorqynyshty týdyrdy.