18 Qazan, 2021 NEWS
Foto: Ashyq derekkóz
Qytaı ekonomıkasy sońǵy úsh aıda eń baıaý qarqynmen ósti. Bul – bıylǵy eń tómengi kórsetkish.
Dúısenbide jarııalanǵan málimetter Qytaıdyń úshinshi toqsandaǵy jalpy ishki óniminiń (JIО́) 4,9 paıyzǵa óskenin kórsetti. Bul – ótken jylmen salystyrǵanda eń tómengi kórsetkish. О́sim ekonomıster kútkennen de tómen bolyp otyr.
Sarapshylardyń pikirinshe, elektr qýatynyń jetispeýshiliginen, jetkizilimniń qıyndyqqa ushyraýynan jáne pandemııa saldarynan Beıjińde daǵdarys kúsheıe túsken. Alańdaýshylyqtardyń artýymen saıasatkerlerge qysym kúsheıdi.
Qytaı ulttyq statıstıka bıýrosynyń ókili Fý Lınghýı dúısenbide "Biz qazirgi halyqaralyq belgisizdikterdiń ósip kele jatqanyn jáne (Qytaıdyń) ishki ekonomıkasynyń qalpyna kelýi áli de turaqsyz jáne birkelki emes ekenin eskerýimiz kerek" dep málimdedi.
Sonymen qatar, Qytaı ónerkásiptik óndirisiniń ósimi qyrkúıekte 3,1 paıyzǵa deıin tómendegeni habarlandy.
Oksford ýnıversıteti Azııa ekonomıkasy bóliminiń jetekshisi Lýı Kýıs Qytaı ekonomıkasy jaǵdaıyna taldaý jasap, "ósýdiń tómendeýi jyljymaıtyn múlik naryǵynyń syr berýine baılanysty boldy" dedi.
Qate tapsańyz, qajetti bólikti tańdap ctrl+enter basyńyz.
Usynylǵandar
Pikir qaldyrý
pikir