• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 00:39:21
Almaty
+2°

Qoǵam belsendisi Aıgúl Orynbek adamdar ózine jýrnalıst Maqpal Qarataıǵa aldanyp qaldyq dep habarlasyp jatqany týraly málim etti. Sózinshe, jýrnalıst "Túrkııadan taýar alyp beremin" dep 310 adamdy aldaǵan. Bul týraly ol Facebook  paraqshasynda jazdy.

– Genıı, koých, psıholog Maqpal Qarataıqyzy! Qazaq áıelderin ómirdi súıýge, mıllıoner bolýǵa, bıznes bastaýǵa úıretken óte durys shyǵar, biraq aram jolmen emes! Elge tanymal adam bolǵan soń, halyqty úlken isti bastaýǵa shaqyrǵan soń paıdasynan buryn, shyǵatyn shyǵynyn ashyq aıtý kerek!

Pandemııanyń arqasynda kóptegen kásip toqtap, óz kúnin áreń kórip, qalaı aqsha taýyp bir tıyndy eki tıyn qylsam dep otyrǵan halyqtyń júıkesimen oınaýdy doǵarý kerek! Adamnyń jeke basyna ótýdi unatpaıtyn adammyn, sizdiń jeke ómirińizde sharýam joq! Tek ózińizge senip, qaryzǵa aqsha alyp, bankterden kredıtke kirgen áıelderdiń aqshasyn qaıtaryńyz.

Siz úshin 350 myń teńge aqsha emes shyǵar, aýyl aımaqta bala baǵyp otyrǵan áıelderge ol úlken aqsha! Kúıeýine aıtýǵa qorqyp, kredıtin tóleı almaı kúızeliske túsip ózderine qol jumsasa, adam ólimine kináli bolam dep oılamaısyz ba? Bir aıdan beri jeke paraqsham shaǵymǵa toldy, ózderiń mısyzsyńdar dep qarap otyra bergim keldi!

Aldaǵy ýaqytta túrikterdiń aldynda ultymdy onyń ishinde qazaq er azamattary uıatqa qalmasyn dep ashyq jazýyma týra kelip otyr! Baıysa qazaq baıysyn qyzǵanyp otyrǵanym joq!

Baıerlik jumysqa qyzdardy aıamaı shaqyryp jatsyz, túrikterdiń bári orys tilin, tipti qazaq tilin jaqsy meńgergen. Olarǵa dál qázir baıerlerdiń keregi shamaly! Taýar saýdalaımyz dep barǵan qyzdarymyz, elge qaıtýǵa aqshalary bolmaı tánderin saýdalap, qorlanyp ketpeıtindikterine 100 paıyz kepildik beresiz be?

Qazaqstannyń ózinde sizdiń jibergen taýarlaryńyzǵa kóńili tolmaı, aqshalaryn qaıtarýdy surap jatqandar sany 300 den asady. Aqymaqtarǵa aqyl aıtyp, “olardy baıytamyn” dep qazaq áıelderin kredıtke tyǵyp halyqqa paıdańyz bulaı tımeı aq qoıǵany durys Maqpal hanym!

Bir adam bolsa meıli, shaǵym aıtyp jylap otyrǵandar sany óte kóp! Halyqqa paıdań tımese de, zııanyń tımesin! Bul jazbamdy jáı eskertý dep qabyldańyz! Úsh júz áıeldiń beseýi ústińizge aryz túsirse, alaıaqtyq baby boıynsha qylmystyq is ashylady!, - dep jazdy Aıgúl Orynbek.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir