• USD 424.85

  • EUR 504.21

  • RUB 5.84

  • CNY 65.86

29 Qarasha, 12:11:07
Almaty
+6°

Erjan Babaqumarov kolledjderdiń jańa zerthanalary men óndiristik synyptary bazasynda Dýaldy oqytýdy engizý boıynsha jumysty kúsheıtýdi tapsyrdy.

Erjan Babaqumarov suranysqa ıe mamandyqtar boıynsha bilikti kadrlar daıarlaý úshin kolledjderdiń jabdyqtalýymen tanysty. 

Almaty qalasy ákiminiń baspasóz qyzmeti

Almaty qalasy ákiminiń orynbasary Erjan Babaqumarov Bilim basqarmasynyń basshysy Lázzat Jylqybaevamen birge Energetıka jáne elektrondyq tehnologııalar kolledji men kópsalaly kolledjine baryp, qaladaǵy «Jas maman» jobasynyń iske asyrylý barysymen tanysty, sondaı-aq oqý oryndarynyń materıaldyq- tehnıkalyq jaraqtandyrylýyn kórdi.

«Jas maman» jobasy kolledjderdi qazirgi zamanǵy jabdyqtarmen jaraqtandyrý arqyly jańǵyrtýǵa jáne jas mamandardyń neǵurlym suranysqa ıe kásipter boıynsha daǵdylaryn qalyptastyrýǵa baǵyttalǵan.

Almatyda oqý oryndarynyń materıaldyq bazasyn nyǵaıtý maqsatynda joba aıasynda memlekettik qoldaý sharalarymen 18 kolledj qamtyldy, oǵan joǵary tehnologııalyq ınnovasııalyq jabdyqtar, tehnıka men kompıýterler satyp alynyp, jetkizildi. Máselen, 2021-2022 jyldary osy joba sheńberinde kadrlar daıarlaýǵa memlekettik tapsyrys 11 405 orynǵa, onyń ishinde «Eńbek» baǵdarlamasy boıynsha 2500 orynǵa 48 kolledjde ornalastyryldy. О́tken jyly 11 219 oryn bólindi. Aıta ketsek, oqytý tegin negizde ótedi jáne tańdalǵan mamandyqqa baılanysty 2-3 jylǵa sozylady.

Sapar barysynda jobalaý, qurastyrý, júıelerdi iske qosý jáne qyzmet kórsetýge deıingi tolyq tizbekti iske asyrý úshin ınteraktıvti jabdyqpen jabdyqtalǵan oqý-óndiristik sheberhanalar, oqý sabaqtarynyń aýdıtorııalary qaraldy. Energetıka jáne elektrondyq tehnologııalar kolledjinde qala ákiminiń orynbasary jańartylatyn energııa kózderi, elektr jabdyqtary salasyndaǵy zerthanalarda, kún panelderin qurastyrý sehynda boldy. Sondaı-aq, bilim alýshylardyń salaýatty ómir saltyn damytý úshin qajetti jaǵdaılar qaraldy. Mysaly, kolledjde jan-jaqty jabdyqtalǵan sport kesheni - voleıbol, basketbol alańdary, fýtbol alańy, tennıs zaly, boks zaly, workout aımaǵy bar.

Qala ákiminiń orynbasary Erjan Babaqumarov oqý ýaqytynyń 40%-na deıin kásiporyndarda ótkizetin oqýshylardy dýaldy oqytýdyń jańa zerthanalary men óndiristik synyptarynyń bazasyn damytý boıynsha mindetterdi belgiledi.

Osy maqsatta bıznes- qoǵamdastyqpen yntymaqtastyq boıynsha jumysty kúsheıtý, onyń ishinde túlekterdi odan ári jumysqa ornalastyrýdy qamtamasyz etý tapsyryldy.

Kolledjderdi jańǵyrtý, respýblıkalyq jáne halyqaralyq deńgeılerde talap etiletin bilikti mamandardy daıarlaýdyń halyqaralyq tájirıbesin engizý, jekelegen mamandyqtar boıynsha quzyrettilik ortalyqtaryn uıymdastyrý, sondaı-aq WorldSkills chempıonattaryna qatysýshylardy daıyndaý boıynsha birqatar tapsyrmalar berildi.

"Qamshy" silteıdi
Ilmek sózder: Almaty

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir