О́zbekstan Aýǵanstanmen shekara qaýipsizdigin talqylady

16 qazan kúni О́zbekstan men Aýǵanstan  shekara qaýipsizdigin qamtamasyz etý, sondaı-aq Aýǵanstan arqyly ótetin kólik dálizderiniń qurylysy týraly kelissózder ótkizdi. Bul týraly О́zbekstan syrtqy ister mınıstrligi habarlady.

О́zbekstan delegasııasyn premer -mınıstrdiń orynbasary -ınvestısııalar jáne syrtqy saýda mınıstri Sardor Ýmýrzakov,  Aýǵanstan tarapyn Aýǵanstannyń ýaqytsha úkimeti basshysynyń mindetin atqarýshy Abdýl Salam Hanafı basqardy.

Kelissózde delegasııalar ortaq shekaranyń qaýipsizdigin, sondaı-aq halyqaralyq júk tasymaly men tranzıt salasyndaǵy yntymaqtastyqty talqylady. Taraptar saýda-ekonomıkalyq jáne energetıkalyq yntymaqtastyq máselelerin de qarastyrdy.

"Infraqurylymdyq jobalardy iske asyrýǵa, atap aıtqanda, Sýrhan-Pýlı-Hýmrı elektr jelisiniń qurylysy men Termez-Mazarı-Sharıf-Kabýl-Peshavar temir jolynyń qurylysyna erekshe nazar aýdaryldy" dep habarlady  syrty ister mınıstrliginiń baspasóz qyzmeti.

Taraptar talqylanǵan máseleler boıynsha birqatar kelisimderge qol jetkizgen.