"Keıbir synyptar karantınge jiberildi. Aımaǵambetov mektepterdegi jaǵdaı týraly aıtyp berdi

Bilim jáne ǵylym mınıstri Ashat Aımaǵambetov mektepterde dástúrli oqý men bilim oryndaryndaǵy epıdemıologııalyq jaǵdaı týraly habarlady.

– Bıylǵy oqý jyly dástúrli túrde bastaldy. Elimizde indettiń taralýy báseńsip keledi. Balalardyń koronavırýsqa shaldyǵýyn shilde-tamyz aılarymen salystyrsaq, qazir jaǵdaı jaqsarǵan, ıaǵnı vırýstyń taraýy aıtarlyqtaı tómendegen. Elimiz boıynsha balalar arasynda koronavırýstyń taralýy 0,1 paıyzdan aspaı tur, – dedi Aımaǵambetov.

Onyń aıtýynsha, mektepterde sanıtarlyq talaptar tıisti deńgeıde saqtalǵan.

– Keıbir synyptar karantınge jiberilip, qashyqtan oqyp jatyr. Al keıbir synyptar kerisinshe mektepke qaıta oralyp jatyr. Jalpy kórsetkish 0,1 paıyzdan aspaıdy. Iаǵnı jaǵdaı turaqty. Eń bastysy mektepte sanıtarlyq talaptar qatań saqtalýda jáne karantın erejelerin ustana otyryp, bilim berý óz deńgeıinde jalǵasa beredi, – dedi mınıstr.