• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 01:57:54
Almaty
+2°

Jambyl oblysyndaǵy áskerı bólimdegi oq-dárilerdi joıý jumystary bastaldy. Endi Baızaq aýdanynda bir aı boıy dúmpý bolady. Qazir qoımadaǵy qaýipti qaldyqtardy shalǵaıǵa aparyp jaryp jatyr. Bul týraly Habar 24 habarlady. 

Bir kúnde 6 ret jarylys bolǵan. Qoımadan 400 kelideı oq-dári shyǵarylyp joıylǵan. Áskerıler turǵyndarǵa jarylys bolatyndyǵy jóninde eskerttik deıdi. Alaıda áskerı bólimge tıip turǵan Qaınar aýylynyń turǵyndary dúmpýden ábden mezi bolǵandaryn aıtady.  

– Atatynyn atyp, jaratyndaryn jaryp tezirek bitse eken. Qorqyp-qorqyp óletin boldyq,  shyny kerek. Mezi qyldy, ábden sharshap kettik. Osy sońǵysy bolsa eken, budan keıin bulaı bolmasyn, – deıdi Gúlzıra Jambylova esimdi Qaınar aýylynyń turǵyny. 

Jarý jumystaryna ınjenerlik-saperlik mamandardan 20 shaqty adam jumyldyrylǵan. Qazir tek jarylǵan qoımadaǵy qaldyqty zattar ǵana joıylyp jatyr. Qoımada qansha jarylǵysh zat qalǵany belgisiz.

Áskerıler endi múldem jarylys bolmaıdy dep aıta almaı otyr. Al josparly jarý jumystary dúısenbi men juma kúnderi aralyǵynda júrgiziledi. Bul jumystar 13-qarashaǵa deıin jalǵaspaq.



"Qamshy" silteıdi
Ilmek sózder: Jambyl Jarylys

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir