14 Qazan, 2021 NEWS
Foto: Ashyq derekkóz
Jambyl oblysynyń turǵyndary áleýmettik jelilerde saǵat 11.30 shamasynda Sarykemer aýylynyń mańyndaǵy oq-dáriler qoımasynda eki jarylys bolǵanyn habarlap jatyr.
Ázirge memlekettik organdar aqparatqa baılanysty pikir bildirmegen. Tek Kris.p.taraz pablıginde jaralys mınalardy basqa jaqqa kóshirýge baılanysty jasalyp jatqany týraly aqparat jarııalanǵan.
"Áskerı bólimdegi jınaqtalǵan mınalardy taýǵa kóshirip, arnaıy daıyndalǵan ornynda baqylaýly jarylystar bolady. 12 jáne 13 qazanda saǵat 11.00, 12.00 jáne 16.00 - de jarý jumystary áskerılermen birge júrgiziledi" delingen habarlamada.
10 qazanda qorǵanys mınıstrligi Sarykemer aýyly mańynda jarylystar bolýy múmkin ekenińn eskertken. Ol kezde Sarykemer aýylyndaǵy ınjenerlik oq-dáriler qoımasynyń aýmaǵynda buryn zaqymdanǵan jarylǵysh zattar órtenip, jarylys bolǵany aıtylǵan.
"Aldaǵy ýaqytta da bundaı jaǵdaılar oryn alý múmkin. Odan bólek, qoıma aýmaǵynda qaýipti oq-dárilerdiń baqylanatyn jarylystary júrgiziletin bolady. Qazirgi ýaqytta a.j. 26 tamyzynda órtengen qoımanyń tehnıkalyq aýmaǵyn jarylǵysh zattardan tazartý jumystary jalǵasýda" delingen aqparattyq habarlamada.
Buǵan deıin 26 tamyzda Jambyl oblysyndaǵy áskerı qoımada birneshe jarylys bolyp, sonyń saldarynan 17 adam qaza taýyp, áskerı bólim mańyndaǵy Qaınar aýylyndaǵy úıler ǵımarattar búlingen.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir