Foto: bilimdinews.kz
Almaty oblysy boıynsha sybaılas jemqorlyqqa qarsy qyzmet Qazaq ulttyq qyzdar pedagogıkalyq ýnıversıtetiniń múlkin urlady degen kúdikpen birqatar sheneýnikterdi ustaǵany habarlandy.
Qazaq ulttyq qyzdar pedagogıkalyq ýnıversıtetiniń burynǵy qyzmetkeri, "Azamattarǵa arnalǵan úkimet" mekemesi Almaty oblysy boıynsha fılıalynyń Qarasaı aýdandyq tirkeý jáne jer kadastry bóliminiń jáne Qarasaı aýdany ákimdiginiń jer qatynastary bóliminiń basshylary ustalǵan. Olar 2018 jyly Kemertoǵan kentinde ornalasqan aýdany 9 gektar jer telimi túrindegi ýnıversıtettiń múlkin urlady degen kúdikke ilingen.
Vedomtsvo málimetinshe, ýnıversıtettiń jer telimi birneshe telimge zańsyz bólingen jáne jalǵan qujattarmen ustalǵan tulǵalarǵa úlestes bolyp rásimdelip, keıin basqa satyp alýshylarǵa satylǵan.
"Atalǵan tulǵalar qylmys izderin jasyrý jáne jer telimin ýnıversıtet balansyna jalǵan qaıtarý maqsatynda 2021 jyldyń qańtarynda quqyq belgileıtin qujattarsyz memlekettiń jer qorynan Kóldi kentinde sanıtarlyq aımaqta ornalasqan jeke menshikke berýge jatpaıtyn jer telimin zańsyz bólgen" delingen habarlamada.
Qazirgi ýaqytta barlyq kúdiktilerge sot sanksııasymen bultartpaý sharasy taǵaıyndalǵan.
Jasalǵan qylmysqa qatysy bar basqa adamdardy anyqtaý maqsatynda qajetti tergeý sharalary júrgizilip jatyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir