• USD 468.56

  • EUR 497.56

  • RUB 7.3

  • CNY 67.18

28 Naýryz, 15:28:36
Almaty
+35°

Almaty oblysynda zeınetkerler men múgedekterdi aldap kelgen 32 jastaǵy alaıaq ustaldy, dep habarlady Polisia.Kz.   

Esik qalasynyń 66 jastaǵy turǵyny Eńbekshiqazaq aýdandyq polısııa bólimine habarlasyp, 80 myń teńge kólemindegi aqshasyn alaıaqtyq jolmen ıemdengen belgisiz adamǵa qatysty shara qoldanýdy suraǵan.

Tergeý barysynda kúdikti 2019 jyldan beri alaıaqtyqpen aınalysyp kelgenin moıyndaǵan. Onyń 17 alaıaqtyq faktisine qatysy bar ekendigi anyqtaldy. Keltirgen zalal kólemi 20 mıllıon teńgeden asady.

Er adam qosymsha aqyǵa áleýmettik tólemderdi, zeınetaqylar men járdemaqylardy ósirip beremin dep múgedek pen zeınetkerlerdi sendirgen.

Oǵan qatysty qylmystyq kodeksiniń 190-baby, 3-bóligi boıynsha tergeý qozǵaldy. Kúdikti Eńbekshiqazaq aýdandyq tergeý ızolıatoryna qamaldy.

Ol polıseılerge adamdardy qalaı aldaǵanyn aıtyp berdi.

– Iá kóbisi alaıaqtyqqa tap bolady. Sebebi tyǵyryqqa ábden tirelgen, aqsha joq, qazir halyqqa óte qıyn, zeınetaqy kólemi kishkentaı. Adamdarǵa aıtarym, eshkimge senbeńizder, óıtkeni qazir alaıaqtar kóp. Internet-alaıaqtyq degen de bar, –  dedi ol. 

"Qamshy" silteıdi
Ilmek sózder: alaıaq ustaldy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir