Kórneki sýret
Shymkentte bilim basqarmasynyń mamany men №96 mekteptiń burynǵy dırektory alaıaqtyq jasady degen aıyppen sottaldy. Olar muǵalimderdiń testten súrinbeı ótkenin kórsetetin sertıfıkat pen kýálikterdi qoldan jasap, saýdaǵa salǵan. Bul týraly Habar 24 arnasy habarlady.
Ustalǵandar bul ispen 2018 jyldan bastap aınalysyp kelgen. Jalǵan anyqtamany 340 pedagogtyń alǵany belgili boldy. Olarǵa biliktiligin arttyrǵany úshin ústemaqy tólengen. Ustazdardyń basym bóligi sotqa deıin bıýdjetten zańsyz alyp kelgen qarjyny qaıtarǵan. Bul soma 210 mıllıon teńgeni quraǵan.
Sonymen qatar sotta mektep dırektory óz qyzmetkerlerin para berýge ıtermelegeni anyqtalyp, ol 7 jarym jylǵa bas bostandyǵynan aıyryldy. Al bilim basqarmasynyń mamany 4 jyl merzimge sottaldy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir