• USD 424.85

  • EUR 504.21

  • RUB 5.84

  • CNY 65.86

09 Jeltoqsan, 04:55:44
Almaty

G20 elderi Aýǵanstandaǵy gýmanıtarlyq apattyń aldyn alý úshin birlesip jumys isteýge kelisti. Tótenshe sammıtti uıymdastyrýshy Italııa boldy. 

Eýropalyq Odaq aýǵan máselesine bólinetin bir mıllıard eýro qaıda jumsalatynyn málimdedi. Qarjy aýǵan daǵdarysyna baılanysty shuǵyl gýmanıtarlyq qajettilikterge, sondaı-aq 15 tamyzda Talıban eldi baqylaýǵa alǵannan beri shetelge qashyp jatqan adamdardy qabyldaýǵa, Aýǵanstanǵa kórshi elderge kómek kórsetýge jumsalady.

Vırtýaldy sammıtke Italııa premer-mınıstri Marıo Dragı, AQSh prezıdenti Djo Baıden, Úndistan premer-mınıstri Narendra Modı jáne kóptegen eýropalyq kóshbasshylar qatysty. Onlaın sammıtte Qytaı tóraǵasy Sı Szınpın men Reseı prezıdenti Vladımır Pýtın bolmady tek olardyń ókilderin qatysty.

Dragı eki el lıderleriniń kelmeýi G20-nyń qazirgi tóraǵasy Italııa uıymdastyrǵan "kezdesýdiń mańyzdylyǵyn tómendetpedi" dedi.

Sammıtke qatysýshylar Aýǵanstandaǵy daǵdarysty jeńildetý qajettiligine biraýyzdan kelisti. Qazir Aýǵanstandaǵy jaǵdaı múshkil. Eldiń sheteldegi aktıvteri buǵattaldy, bankterdegi aqshasy taýsyldy, memlekettik qyzmetkerlerine jalaqy tólenbedi, azyq-túlik baǵasy qymbattady. Mıllıondaǵan adamǵa qys jaqyndaǵan saıyn qatty ashtyq qaýpi tónip tur.

Germanııa kansleri Angela Merkel "Aýǵanstandaǵy 40 mıllıon adamnyń daǵdarysyna qarap otyrý halyqaralyq qoǵamdastyqtyń maqsaty bola almaıdy jáne bolmaýy kerek, óıtkeni (Aýǵanstanda) elektr energııasyn berý múmkin emes jáne qarjy júıesi joq" dedi.

EO qarjynyń Talıbanǵa emes, jergilikti jerde jumys isteıtin halyqaralyq uıymdarǵa aýdarylatynyn basa aıtty.

G20-nyń kómekteriniń kóp bóligi Birikken Ulttar Uıymy arqyly júzege asady, biraq sonymen birge elge tikeleı kómek te bolady.

Dragı Talıbanmen jumys jasaý olardyń ákimshiligin moıyndaýdy bildirmeıtinin jáne Talıbandy sózimen emes, isimen baǵalaıtynyn basa aıtty.

Ol kedeı eldegi áıelderdiń jaǵdaıy álemdi alańdatyp otyrǵanyn atap ótti.

"Qazirgi ýaqytta biz progress kórmedik. Bolashaq gýmanıtarlyq baǵdarlamalar áıelder men qyzdarǵa baǵyttalýy kerek jáne elden ketkisi kelgen aýǵandarǵa qaýipsiz jol berilýge tıis" dedi Dragı.

"Qamshy" silteıdi
Ilmek sózder: G20 Aýǵanstan

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir