• USD 468.56

  • EUR 497.56

  • RUB 7.3

  • CNY 67.18

29 Naýryz, 05:01:26
Almaty
+35°

Shymkent qalasynyń turǵyny Aıdana Turdalıeva Shyǵys Qazaqstan oblysy OV-156/18 mekemesinde jazasyn ótep jatqan inisi Erlan Kenje prokýratýra men túrme ákimshiligi tarapynan qysym kórip otyrǵanyn aıtady. Sózinshe, Jarma aýdany prokýratýrasy men kolonııa basshylyǵy qoldan qylmystyq is jasap, ony jalpy rejımnen qylmystyq-atqarý júıesiniń qaýipsizdigi barynsha joǵary mekemesine aýystyrǵaly jatyr.

Aıdana Turdalıeva mekeme ákimshiligi inisin "birneshe ret qınap, kúsh qoldanyp, orny tolmas psıhologııalyq zaqym keltirdi" dep otyr. Erlan Kenje kórgen qıyndyqqa shydamaı, birneshe márte ózine qol jumsamaq bolǵan. 2021 jylǵy maýsym-shildede asylyp, óziniń kúre tamyryn kesip, kóptegen dene jaraqattaryn salǵan.

Alaıda Jarma aýdany prokýratýrasynyń Erasyl jáne Shyryn esimdi prokýrorlary qorqytý tásili arqyly, ony aryz jazbaýǵa kóndirgen.

 

– Araǵa birneshe kún salyp OV-156/18 mekemesiniń basshylyǵy men ákimshiligi negizsiz jáne zańsyz áreketterge bara otyryp, inime mekemede tynysh jazasyn óteýge múmkindik bermedi. Buǵan shydaı almaǵan inim kómek surap taksafon arqyly úıge jáne prokýratýraǵa habarlaspaq bolǵanynda, túrme basshylyǵy oǵan kedergi keltirgen. Qylmystyq atqarý júıesiniń tártibin buzyp, quqyqtary negizsiz shektelgenine ashýlanǵan inim mekeme ákimshiligine renishin biltirgen. OV-156/18 mekemesi tárbıe bóliminiń bastyǵy Maqsat Adamov inimdi boǵaýyz sóz aıtýǵa ıtermelep, ol oıyn iske asyryp, ony vıdeoǵa túsirip, qasaqana qylmystyq is qozǵatqan. Aldyn ala josparlary arqyly Jarma aýdany polısııa bólimi tergeý bóliminiń tergeýshisi aǵa leıtenant S.Kakımov qylmystyq kodekstiń 429-baby 1-bóligi (Qoǵamnan oqshaýlaýdy qamtamasyz etetin mekemeniń qyzmetkerine ne onyń jaqyndaryna, sondaı-aq sottalǵan adamǵa qatysty kúsh qoldaný qaterin tóndirý nemese olardyń densaýlyǵyna nemese ómirine qol suǵý –  red.) boıynsha is qozǵap, sotqa deıingi tergeýdi bastady, – deıdi Aıdana Turdalıeva. 

 

Kúdiktiniń ápkesi sotqa deıingi tergeý kezinde inisin jábirlenýshi Maqsat Adamovpen múlde bettestirmegenin, túsiniktemelerin tolyqtyrmaı, qylmystyq prosestik kodeks tártibin óreskel buza otyryp, prokýrormen kelisip sotqa joldaǵanyn málim etti.

– Qylmystyq isti qarap jatqan ShQO Jarma aýdandyq sotynyń sýdıasy R.Omarov istegi kóptegen qatelikter men zańsyzdyqtarǵa qaramastan, prosesti birjaqty júrgizip jatyr. Ol azdaı qorǵaýshyǵa inimdi kináli dep taýyp, jazasyn ótep jatqan jalpy rejımnen qylmystyq-atqarý júıesiniń qaýipsizdigi joǵary mekemege aýystyrý týraly sheshim shyǵaratynyn aıtyp jibergen, –  deıdi ol.

Aıdana Turdalıeva ShQO prokýratýrasy men polısııa departamentine túsirilgen shaǵymdardan jaýap bolmaǵanyn aıtyp, zańsyzdyqtarǵa qoǵam nazaryn aýdartqysy keledi.

Oqyrman aryzy

Oqyrman aryzy

Oqyrman aryzy

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir