Kólik satyp alýǵa kelgen adamdy pyshaqtap, 10 mln teńgesin tartyp alǵan

Almaty oblysynyń turǵyny ózinen kólik satyp alýǵa kelgen azamatty pyshaqtap, 10 mln teńgesin alyp ketti, dep habarlady Polisia.kz saıty.

Eńbekshiqazaq aýdandyq polısııa basqarmasy kezekshi bólimine aýdandyq aýrýhanaǵa arqasyna pyshaq suǵylǵan Almaty qalasynyń 33 jastaǵy turǵyny kelip túskeni týraly habarlama túsken. Polısııadaǵylar bul faktini tirkep, izdeý sharalaryn bastaǵan.

– Kólik satyp alýshymen kezdesken kúdikti sýyq qarý qoldanǵany belgili boldy. Ol jábirlenýshiniń Toyota Camry 70 avtokóligin satyp alýǵa arnalǵan shamamen 10 mıllıon teńge kólemindegi aqshasyn alyp alǵan, – deıdi Eńbekshiqazaq aýdandyq PB bastyǵy Jaqsylyq Altynbaev.

Kólik satyp alýshy men satýshynyń kezdesýi, aqsha berý prosesi Esik qalasynda bolǵan.

– Er adamdy tez anyqtap, ustaý múmkin boldy. Ony kýágerler de, jábirlenýshi de tanydy. Ol Esik qalasynyń 22 jastaǵy turǵyny bolyp shyqty. Qazirgi ýaqytta oǵan qatysty QR Qylmystyq kodeksiniń 192-baby, 4-bóligi, 1-tarmaǵy (Qaraqshylyq) boıynsha qylmystyq is qozǵaldy. Ustalǵan adam qylmysyn moıyndap, ýaqytsha ustaý ızolıatoryna qamaldy, – deıdi Jaqsylyq Altynbaev.