• USD 468.9

  • EUR 485.64

  • RUB 7.7

  • CNY 66.1

01 Jeltoqsan, 09:08:39
Almaty
-1°

Foto: Shymkent qalasy ákiminiń baspasóz qyzmeti

Memleket basshysy bıylǵy Joldaýynda alaıaqtyq pen qarjy pıramıdalarynyń kóbeıgendigin atap, olardyń zańsyz áreketinen zardap shekkender jóninde máseleni qozǵaǵan bolatyn.

Osyǵan oraı Shymkent qalasy prokýrorynyń orynbasary Erjan Marat jáne qalalyq Polısııa departamenti basshysynyń orynbasary Serik Ergeshevtiń qatysýymen baspasóz brıfıngi ótti. Basqosýda qala aýmaǵyndaǵy alaıaqtyq túrleri men onyń aldyn alý sharalary týraly baıandaldy.

Bıylǵy jyldyń 8 aıynda qala aýmaǵynda jalpy 8 200-den astam qylmys oqıǵalary oryn alǵan. Onyń 32 paıyzy nemese 2 600-den astamy alaıaqtyq qylmystaryn quraıdy. Ol byltyrǵy jylmen salystyrǵanda 25 prosentke ósken.

Alaıaqtyq qylmystarnyń kóp kezdesetin túrleri: ol-Senimine kirý arqyly aldaý – 1 300-den astam (jábirlenýshimen júzdesý arqyly aldaý: gaz qubyryn ornatyp berý, memleket tarapynan bólinetin áleýmettik kómekti alyp berý, jerdi zańdastyrýǵa qujattardy ázirleý, kólikti jóndeý, kólikterin satyp berý nemese satyp alý jóninde aldaý, uıaly telefonmen habarlasyp alaıyn dep alyp ketý (daı pozvonıt), jıhaz ázirlep berý, qujattardy daıyndap berý jáne t.b.).

О́z kezeginde alaıaqtyq qylmystarynyń kópshiliginde jábirlenýshiler aqshalaı qarajattaryn ózderine az tanys adamdarǵa beredi. Nemese ınternet jelilerindegi alaıaqtardyń qurbany bolyp jatady. Kórsetilgen qylmystar boıynsha jábirlenýshilerdiń kópshilik paıyzy tyǵyryqqa tirelgender bolsa, ekinshi jaǵdaıda ońaı jolmen máselelerin sheshý joldaryn izdeıtinder. Úshinshi jaǵdaıda saýattylyqtyń tómendigi, ıaǵnı zań talaptaryn bilmeýdiń saldary»,- deıdi mamandar. Sonymen qatar qalada alaıaqtyqpen uqsas keletin qarjy pıramıdasy da sharyqtap keledi. Bul qylmystyń túri ótken jylmen salystyrǵanda 78 paıyzǵa artqan.

Serik Ergeshev, Shymkent qalalyq Polısııa departamenti basshysynyń orynbasary
- Sizderdi kez kelgen ońaı aqsha tabý jarnamalaryna aldanbaýdy, quqyqtyq bilimińizdi kóterýdi nemese túsiniksiz jaǵdaıda quqyq qorǵaý organdaryna habarlasý arqyly tekserýdi jáne barlyqjarnamalarǵa kúmánmen qaraýǵa shaqyramyn.

Elimizde qarjylyq pıramıdalar qyzmetine qatań tyıym salynǵan. Olar tez ashylyp, habar quqyq qorǵaý organdaryna jetkenshe jabylyp úlgerýde. Osylaısha alaıaqtar el azamattarynyń qaltasyn qaǵyp, halyqty qan qaqsatyp júr.

"Qamshy" silteıdi
Ilmek sózder: Shymkent

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir