Májilis depýtaty Shymkent qalasyndaǵy oqý oryndarynyń jumysymen tanysty

QR Tuńǵysh Prezıdenti, Elbasy, «Nur Otan» partııasynyń Tóraǵasy Nursultan Nazarbaevtyń tapsyrmasyna oraı, «Nur Otan» partııasynyń «О́zgerister joly: Ár azamatqa laıyqty ómir!» atty 2021-2025 jyldarǵa arnalǵan saılaýaldy baǵdarlamasyn oryndaý maqsatynda daıyndalǵan Jol kartasy aıasynda Bilim jáne ǵylymdy damytý jónindegi respýblıkalyq Qoǵamdyq keńestiń tóraıymy, Májilis depýtaty, «Nur Otan» partııasy fraksııasynyń múshesi Súleımenova Juldyz Dosbergenqyzy Shymkent qalasyndaǵy oqý oryndarynyń jumysymen tanysty.

Ońtústik Qazaqstan memlekettik pedagogıkalyq ýnıversıtetinde «Rýhanı jańǵyrý» baǵdarlamasynyń «Jańa gýmanıtarlyq bilim: qazaq tilindegi 100 jańa oqýlyq» jobasy aıasynda 2018 jyly shildede ashylǵan kovorkıng ortalyǵyn kórdi.

«Nur Otan» partııasynyń «IT mamandar daıyndaý» jobasy sheńberinde balalardy baǵdarlamalaýǵa jáne IT-mamandyqtarynyń daǵdylaryna úıretetin alty aqysyz «IT-SYNYP» synyptary ashylǵan.

«IT-SYNYP» kopıýterlik synyptary Wi-Fi aımaqta ornalasqan, mýldımedııalyq podıýmdarmen qamtymasyz etilgen, NR-24 kompıýterlik 80 monoblokpen, joǵary jyldamdyqty Internetke (100 Mbıt/s) qosylǵan Web-kameralarmen jabdyqtalǵan.

Saılaýaldy baǵdarlamanyń júıeli oryndalýy pysyqtaldy.