«Til - tatýlyq tiregi» taqyrybynda onlaın dóńgelek ústel ótkizdi

2021 jyly 6 qyrkúıekte M.Áýezov atyndaǵy Ońtústik Qazaqstan ýnıversıtetiniń «Rýhanı jańǵyrý jáne Qazaqstan halqy Assambleıasy» ortalyǵy qazaqtyń ádebıet zertteýshi ǵalymy, túrkitanýshy, pýblısıst, pedagog, aýdarmashy, qoǵam qaıratkeri Ahmet Baıtursynulynyń týǵan kúnimen qatar ótkiziletin Qazaqstan halqy tilderi kúnine oraı «TIL - TATÝLYQ TIREGI» taqyrybynda onlaın dóńgelek ústel ótkizdi.

Dóńgelek ústeldi Shymkent qalasynyń mádenıet, tilderdi damytý jáne arhıvter basqarmasy basshysynyń orynbasary Saken Abjappar Sakenuly ashyp, sáttilik tilep, Shymkent qalasynyń turǵyndary arasynda tildiń damý qarqynymen damytý josparlarymen tanystyrdy. Keleshekte Shymkent ákimdigimen birlese ótkiziletin Táýelsizdiktiń 30 jyldyq mereıtoıynyń qarsańynda «Til Táýelsizdik tiregi» atty respýblıkalyq konferensııaǵa biregeı qatysýǵa shaqyrdy.

Sonymen qatar, Shymkent qalasynyń ishiki saıasat jáne jastar isteri jónindegi basqarmasy «Qoǵamdyq kelisim» KMM «Qoǵamdyq kópshilik is-sharalardy uıymdastyrý» bóliminiń basshysy Isaeva Azıza Omarbekqyzy qatysyp, etnomádenı birlestiktermen birge ózge etnostar arasynda tilderdi damytýǵa baılanysty kóptegen baıqaýlar ótkizip, onyń ishinde 3 qyrkúıek kúni «Táýelsizdik - basty qundylyǵymyz!» atty respýblıkalyq dıktantyn ótkizgeni týraly esebin aıtty.

Shymkent qalasy boıynsha «Rýhanı jańǵyrý» qalalyq bóliminiń meńgerýshisi Oralbaeva Záýre Abdýhamıtqyzy qatysyp, búgingi jas urpaq – memlekettiń bolashaǵy, erteńgi kúnniń azamaty, al onyń baqytqa jeter dańǵyl joly - týǵan Otanyn, týǵan tilin súıýden bastalady dep, elimizdiń árbir azamaty óziniń ana tilin qadirlep, qasterleýi, óz ana tilinde sóıleýi qajet dep óz sózinde naqtylady.

Dóńgelek ústel barysynda moderator «Rýhanı jańǵyrý jáne Qazaqstan halqy Assambleıasy» ortalyǵynyń basshysy – tarıh ǵylymdarynyń kandıdaty, dosent, ólketanýshy Janysbekova Gúlnar Ámirbaıqyzy ýnıversıtetimizdiń meken jaıy da Shymkent qalasynyń Ahmet Baıtursynov kóshesiniń qıylysynda ornalasqanyn kópshilik qaýymǵa aıta kele, erekshe maǵlumat berip, dóńgelek ústeldi támamdy.