Qyzylorda oblysynda mektep janynda jarylys boldy

Qyzylorda oblysy Qazaly aýdany Tasaryq kentindegi orta mektep aýmaǵynda qazandyq jaryldy, dep habarlady óńirdiń Tótenshe jaǵdaılar departamentiniń baspasóz qyzmeti.

– Búgin saǵat 8-den 15 mınýt ótkende Qyzylorda oblysy Tótenshe jaǵdaılar departamentiniń Daǵdarys jaǵdaıyndaǵy basqarý basqarmasyna Qazaly aýdany, Tasaryq kenti, №238 orta mektep aýmaǵyndaǵy jeke turǵan (mektepten qashyqtyǵy 50 m) qatty otynmen jylytý qazandyǵynyń tutanýsyz jarylýy oryn alyp, 64 sharshy metr alańda ǵımarattyń qabyrǵalary men jabynynyń ishinara qıralǵany týraly aqparat kelip tústi. Oqıǵa saldarynan qaza bolǵandar men zardap shekkender joq, – dedi Qyzylorda oblysy TJD bastyǵynyń orynbasary polkovnık Saıd Moldaqaraev.

Qazandyq úıindilerin jınaý mektep jumysshylarynyń kúshimen (15 adam jáne 2 birlik tehnıka) júrgizilýde. Oqıǵa ornyna oblystyq TJD (2 qyzmetker jáne 1 birlik tehnıka) jetti.